Foz, 11 de abril de 2016.- A asociación cultural A Pomba do Arco vai organizar a segunda edición da súas Xornadas “Sentirmos a Arte”, no marco do Mes das Artes Plásticas da Mariña, na que se recolle una chea de actividades dos artistas plásticos mariñáns, e na que se pode visitar no Cenima de Foz unha exposición de Celso Dourado, Mauro Leivas, David Catá, Alberto Pena, Hector Manasé e Raimundo Rubal. A asociación focega realiza unha serie de mesas de debate na que se abordará, como tema principal, o estado actual da arte e que se desenvolveran entre os días 18 e 21 de Abril ás 20.30 horas no salón de actos do Cenima de Foz.
Primeira charla:Creamos para crecer
O luns 18 de Abril ás 20.30 comezará esta actividade coa intervención de Alberto Pena Rei, natural de Foz é licenciado en Belas Artes, o seu traballo artístico é unha mestura de fotografía, pintura e instalación, especialidandose nos últimos anos na “Arteterapia” despois de formarse na “Terapia Gesalt”. Alberto Pena dará a coñecer a súa obra, abrindo paso a un debate sobre a mesma no que os asistentes poderán formular ao poñente as preguntas que considere oportunas e debaterase entre os presentes sobre a técnica, a disciplina e as funcionalidades do seu traballo.
Segunda charla: O novo audiovisual
O martes 19 ás 20.30, terá lugar no Cenima a segunda das charlas debate. Nesta ocasión contaremos coas mariñáns Montse Rego, fotografa, escultora e deseñadora, e con Ruht Chao, productora e cineasta, que nos achegaran as súas experiencias no mundo audiovisual, amosandonos exemplos da súa obra e explicando cal é o seu proceso de creación. Neste sentido merece a nosa consideración o grande despegue que estas disciplinas artísticas están a ter na Mariña, cun grande numero de mariñaos que están a destacar nesta faceta na Galiza e no mundo.
Terceira charla: A arte que ven
O mércores 20 ás 20:30 terá lugar no Cenima a terceira das charlas debate. Nesta charla contaremos coa presenza da mariñao Miguel Anxo Rodríguez, profesor de historia da arte na USC e reputado crítico que nos falará nas novas tendencias artísticas, das mudanzas no proceso de creación, na percepción da obra polo público na historia así como dos movementos de renovación artística que se están a vivir a día de hoxe. Asemade propoñerá unha interpretación de diversas obras da arte clásica e das posíbeis lecturas, moitas delas contrapostas, que se están a facer desde a crítica.
Cuarta charla: O debuxo humorístico
O xoves 21 ás 20:30 terá lugar no Cenima a terceira das charlas debate. Nesta ocasión o artista convidado será Luis Dávila “O Bichero”, un dos debuxantes humorísticos máis coñecidos e recoñecidos de Galiza, mantén unha viñeta diaria en diversos xornais galegos e autor de varios albunes de dibuxo e da imaxe gráfica de diversas empresas e eventos culturais e festivos, sendo este ano o autor da imaxe gráfica do “Antroido de Foz”. Luis Dávila “O Bichero” fara unha demostración en directo da súa técnica de debuxo e do seu humor, elaborando caricaturas e tiras cos presentes.
A Pomba do Arco quere convidar a toda aquela persoa que se interese un pouco pola arte mariñá a participar nesta interesante actividade que como xa dixemos terá lugar entre os días 19 e 21 de abril ás 20.30 no Cenima de Foz.
Dentro das actividades da Concentración de Club de Morgan España, que se está a realizar estes días, tivo lugar unha visita a Mondoñedo que incluíu unha recepción por parte das autoridades municipais. Na mesma, que tivo lugar na Praza da Catedral de Mondoñedo, ao carón destes vehículos históricos, o Alcalde, Manuel Ángel Otero e a Concelleira de Turismo, Patricia Otero Doural, conversaron cos participantes e agasallaron a estes cunha bolsa con materiais sobre Mondoñedo. Tras esta breve conversa, procedeuse a realizar unha visita pola zona histórica da cidade episcopal.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Este xoves desde o Concello de Cervo achegaron ao alumnado dos dous colexios de infantil e primaria da localidade unha didáctica sesión teatral sobre a importancia de reciclar. O alumnado pasouno en grande "xogando a reciclar" da man de Fanny Medioambiente.
Foille notificada polo Tribunal Superior de Xustiza de Galicia. O cervense, que declarouse "absolutamente inocente", anunciou a súa decisión ao Presidente Rueda. A denunciante sería unha popular presentadora de TV ferrolá.
1º. Banco de Loiba. De Diego Pérez Dopico. 56 puntos. 2º Bolboretas: sementadoras de vida. De Germán Paleo Navarro. 47 puntos. TOP CERVO Ruínas. De Consuelo Fra Fernández. 36 puntos. En total participaron 26 instantáneas. Desde o Concello agradecen a participación neste certame consolidado que é tamén unha chamada á reflexión, por captar e compartir a súa ollada neses momentos que reflicten o respecto, a beleza e tamén os retos que afronta a noso medio ambiente; ao tempo que nos permiten coñecer o seu traballo a través da súa óptica, e tamén descubrir lugares e situacións únicas, como sempre fan edición tras edición nesta iniciativa que “naceu para poñer en valor a nosa contorna natural e fomentar unha conciencia máis respectuosa co medio".
Farao tras recibir a autorización concedida pola consellería de educación.
O programa dará comezo o 1 de xullo e ramatará o 29 de agosto en horario de 10:00 a 14:00 h. Levarase a cabo a través dun proxecto de voluntariado xuvenil, que nesta edición conta con cinco persoas voluntarias do Concello.
