Burela, 15 de Abril de 2016.- O BNG burelao recolleu a voz de veciños e autónomos da vila e, tras repasar as ordenanzas fiscais nas que aparecen as diferentes taxas de recollida do lixo dos diferentes concellos da mariña, nos concellos asimilables a Burela, comprobou como os veciños pagan moito mais polo mesmo concepto.
“Non nos parece razoable que un comercio calquera da vila pague 65 euros bimensuais mentres en Xove pagaría 28 euros, ou que o dono dun bar deixe 125 euros cada dous meses mentres en Ribadeo o prezo que afrontaría sería de 56 euros, por poñer un par de exemplos” dixo Mario Pillado, quen xa chamou a atención desta inxustiza no debate sobre os Orzamentos municipais no último pleno celebrado na casa do Concello.
Para os nacionalistas, estas diferenzas non son de fai uns meses nin un ano, isto vense arrastrando probablemente desde fai décadas e ninguén lle puxo remedio nin tentou inverter a tendencia.
“En xeral, salvo no goberno bipartito, a política fiscal no noso concello foi a suba continuada de impostos e taxas, incluso a creación de novos conceptos polos que deben pagar os veciños; unha política do PP que trae estas consecuencias” recalcou o voceiro nacionalista.
A solución está na mancomunidade e na remunicipalización dos servizos
Por unha banda, como xa se denunciou que en Burela e Cervo se pagaba a auga mais cara da Galiza, por mor da segregación e da xestión do Partido Popular, o BNG cre que estes servizos básicos deben ser públicos para abaratalos e que non saque beneficio única e exclusivamente o sector privado; amén de que se estivese ese servizo mancomunado entre os dous concellos probablemente a xestión sería mais eficiente e vantaxosa aínda para os veciños.
Por outra banda, a mancomunidade de concellos da Mariña, que preside o alcalde Alfredo Llano, recolle nos seus estatutos competencias en materia de tratamento de residuos. Para os nacionalistas é unha ferramenta válida para desvincularse do obsoleto sistema de SOGAMA e a creación dun sistema comarcal de xestión de residuos, mais beneficioso para os veciños e mais eficiente para a realidade territorial da Mariña e da Galiza.
“Cun sistema público, mancomunado e comarcal de xestión de residuos, xeraríase emprego na comarca, empregaríanse as mellores técnicas en termos ambientais e aforraríanse custes para os veciños” destacou Mario Pillado acerca destas solucións.
Dentro das actividades da Concentración de Club de Morgan España, que se está a realizar estes días, tivo lugar unha visita a Mondoñedo que incluíu unha recepción por parte das autoridades municipais. Na mesma, que tivo lugar na Praza da Catedral de Mondoñedo, ao carón destes vehículos históricos, o Alcalde, Manuel Ángel Otero e a Concelleira de Turismo, Patricia Otero Doural, conversaron cos participantes e agasallaron a estes cunha bolsa con materiais sobre Mondoñedo. Tras esta breve conversa, procedeuse a realizar unha visita pola zona histórica da cidade episcopal.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Este xoves desde o Concello de Cervo achegaron ao alumnado dos dous colexios de infantil e primaria da localidade unha didáctica sesión teatral sobre a importancia de reciclar. O alumnado pasouno en grande "xogando a reciclar" da man de Fanny Medioambiente.
Foille notificada polo Tribunal Superior de Xustiza de Galicia. O cervense, que declarouse "absolutamente inocente", anunciou a súa decisión ao Presidente Rueda. A denunciante sería unha popular presentadora de TV ferrolá.
1º. Banco de Loiba. De Diego Pérez Dopico. 56 puntos. 2º Bolboretas: sementadoras de vida. De Germán Paleo Navarro. 47 puntos. TOP CERVO Ruínas. De Consuelo Fra Fernández. 36 puntos. En total participaron 26 instantáneas. Desde o Concello agradecen a participación neste certame consolidado que é tamén unha chamada á reflexión, por captar e compartir a súa ollada neses momentos que reflicten o respecto, a beleza e tamén os retos que afronta a noso medio ambiente; ao tempo que nos permiten coñecer o seu traballo a través da súa óptica, e tamén descubrir lugares e situacións únicas, como sempre fan edición tras edición nesta iniciativa que “naceu para poñer en valor a nosa contorna natural e fomentar unha conciencia máis respectuosa co medio".
Farao tras recibir a autorización concedida pola consellería de educación.
O programa dará comezo o 1 de xullo e ramatará o 29 de agosto en horario de 10:00 a 14:00 h. Levarase a cabo a través dun proxecto de voluntariado xuvenil, que nesta edición conta con cinco persoas voluntarias do Concello.
