Lourenzá, 15 de abril de 2016.- O Grupo Municipal do Partido Popular de Lourenzá, a través do seu vicevoceiro Javier Rodríguez Barrera, vén de rexistrar unha moción a través da que lle piden ao Goberno local que adopte medidas dirixidas a darlle unha solución á problemática dos animais domésticos abandonados no termo municipal.
En concreto, os populares a través da súa iniciativa solicitan que o Concello asine un convenio cunha protectora de animais que opere na zona a fin de garantir a recollida e posterior recuperación física e psicolóxica destes animais abandonados para a súa posterior inserción social como mascotas de compañía, maioritariamente a través da adopción.
Dende o Grupo Municipal Popular explican que se están a dar varios casos de abandono de animais no municipio sendo o Concello, por imperativo legal, o que ten a obriga de facerse cargo dos animais abandonados ou extraviados.
Os populares aseguran que esta moción responde a unha demanda dos veciños, que se amosan preocupados pola situación que se está a dar ante o abandono de animais domésticos. Deste xeito, o Grupo Popular matiza na súa moción que no convenio que propoñen que se asine cunha protectora de animais, se inclúan como obrigas por parte da protectora a recollida e traslado dos animais abandonados ou maltratados; a identificación do animal a través do microchip e, de non telo, instalarlles un e tramitar a súa alta no REGIAC; a realización de atencións veterinarias curativas e preventivas e a procura da adopción ou acollida da maior parte dos animais recollidos.
Por unha banda, o artista uruguaio Daniel Drexler fai parada en Mondoñedo dentro da súa xira europea. Este venres desde as 21:30h. É a primeira vez que a Horta de Galiana recibe a un artista internacional. E xa o sábado, o mindoniense Jorge Santamarina fará as delicias dos asistentes cunha noite de tangos desde as 22h.
A cita celebrarase do 19 ao 21 de setembro no polideportivo deste municipio e contará coa participación de reputados profesionais do mundo da tornería. A institución provincial colabora un ano máis con este evento realizando unha achega económica de preto de 10.000€ e a impresión de 600 exemplares dun libro que se realizou polo 25 aniversario desta cita.
A exposición poderá visitarse ata o 30 de Setembro.
A Deputada de Economía, Recadación, Facenda e Especial de Contas, Carmela López, participou na presentación da décimo terceira edición do Festival Aturuxo de Bravos, que tivo lugar na Sacabeira, en Sargadelos (Cervo), xunto á presidenta da Asociación Cultural Aturuxeiros, Carmen Rivera. O festival celebrarase os días 18 e 19 de xullo no concello de Ourol, coa colaboración da Deputación de Lugo, que achega 5.000 euros para apoiar a organización desta cita xa consolidada dentro do calendario cultural da Mariña. Nesta edición, o cartel inclúe concertos de Sonoro Maxín, Belém Tajes, Filophóbicas ou Zeltia Irevire, entre outros artistas.
Este dispositivo, deseñado e fabricado polo persoal de Sargadelos contribuirá a facer máis atractiva a visita ao complexo socio-cultural. Conxunto integrado pola fábrica, o museo de cerámica, o horto dos alieníxenas, a piscina dos desenganos, a taberna dos irmandiños e diversas esculturas e dispositivos emprazados nos terreos da propiedade.
Nova edición dos mércores de natureza polo Río Sor, este 16 de xullo ás 11h, partindo do porto do Vicedo (Inscrición no 982 59 01 95). O mesmo día ás 20:30h na Casa da Cultura charla sobre os microbios nos alimentos co profesor Antonio Juárez. Xa o venres nos exteriores da Casa da Cultura nova visita da furgoneta de Galicia Sabe aMar que permitirá probar pinchos mariñeiros para resaltar as propiedades dos nosos peixes. Para rematar o domingo a I Marcha contra o cancro partindo desde a ponte vella e rematando no parque da Casa da Cultura. Inscricións durante toda esta semana na Casa da Cultura. Ademais de todo esto, Os do 21 organizan o seu festival 'Lembranzas' o sábado ás 19:30h no seu local social.
Na presentación do cartaz estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 do mediodía dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
