Ribadeo, 25 de abril de 2016.- O presidente do Partido Popular de Ribadeo, Jesús López Penabad, considera que o alcalde da localidade, o nacionalista Fernando Suárez Barcia, se limita a “botar balóns fóra” á hora de dar unha resposta aos veciños que demandan colaboración para a presentación da súa declaración da renda, no lugar de buscar unha solución que permita continuar a ofrecer este servizo aos ribadenses.
López Penabad defende que este servizo se podería cubrir desde o propio Concello ben a través dun funcionario local que cumprise con este acometido durante os próximos tres meses ou ben a través da contratación dunha nova persoa que asumise esta función. “Se ata agora o Concello cubría os gastos de desprazamento do funcionario estatal, vemos moi necesario e factible que a administración local continúe a ofrecer este servizo á veciñanza”, asegura o popular.
O voceiro do Grupo Municipal do Partido Popular asegura que Suárez Barcia está a adoptar o “camiño máis fácil, cando ten a solución nas súas propias mans” para evitar que “este servizo se distancie dos veciños e que se vexan obrigados a desprazarse a outro municipio para elaborar e presentar a súa declaración da renda”.
Ademais de lamentar esta situación e que se perdan servizos, Jesús López Penabad tamén quixo aclarar que o desprazamento dun funcionario estatal á Ribadeo para cubrir esta función é o único caso que se estaba a dar en España. De todos modos, o popular pon de manifesto o ofrecemento claro do Ministerio de Facenda á hora de asesorar ao Concello no que respecta a este proceso para a presentación da declaración da renda. É dicir, o Goberno central pon á disposición da administración local, se así o require, todos os medios precisos (técnicos e de asesoramento) para que se poda continuar a prestar este servizo dende Ribadeo.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
