A Asociación de Comerciantes Centro Histórico de Viveiro pon en marcha a partir deste venres 22 de abril a Campaña do Día da Nai. Ao igual que o ano pasado e debido ao gran éxito que tivo esta campaña, sorteamos un fantástico diamante, unha espectacular xoia coa que agasallar ás nosas nais.
O obxectivo é seguir premiando a fidelidade dos nosos clientes con algo especial para celebrar esta data, un premio único para unha persoa única… mamá.
Os interesados poderán participar entregando un ticket de compra de calquera dos negocios asociados ao CCHV, cun importe mínimo de 10 euros, na carpa que se instalará na Praza Maior o sábado día 30 de abril.
No reverso do ticket poñeranse os seus datos de contacto e depositaranse nunha urna habilitada para o efecto. O horario será de 12.00 a 14.00 horas e de 17.30 a 20.30 horas.
Os tickets serán válidos polas compras realizadas desde o venres 22 de abril ata o sábado 30 de abril.
Só se poderá participar con tickets de valor a 10 euros ou superior (non se permite a acumulación de varios tickets de cantidades inferiores ata sumar os 10 euros).
O sorteo realizarase o luns 2 de maio ás 16.30 horas nas oficinas da Asociación, comunicándoselle de inmediato ao gañador. En caso de renuncia ao premio, procederase á extracción dun novo ticket ata que apareza gañador.
Os obxectivos perseguidos con todas as campañas que pon en marcha a asociación, son por unha banda a de premiar a fidelidade dos clientes que apostan por comprar no comercio local, e por outra banda fomentar a unión de todos os comerciantes da zona para traballar en conxunto e dinamizar o comercio de Viveiro.
As bases do sorteo e toda a información pódese consultar na web www.viveirocentro.com, no perfil de Facebook, Twitter e Instagram.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
