O xoves 14 de abril arrinca o V Concurso de Tapas do Centro Histórico de Viveiro. Por tan só 1,5 euros cada unha, os clientes poderán gozar de 12 tapas diferentes nos locais participantes.
Nesta edición sorprenderannos tanto con receitas baseadas no bo sabor da cociña tradicional, como con creacións imaXinativas mesturando texturas innovadoras, baseadas na súa maioría nos coñecementos impartidos na Masterclass que impaRTIU o Chef Héctor López fai unha semana para os asociados ao CCHV.
Os locais que participan e os seus tapas son:
– Mesón A Baiuca.- CocKtail de Primavera
– Bar La Fontana.- Ovos ao revés con xamón, gambas e caviar de tomate
– Belle Epoque.- Tournedos Belle Epoque
– Mesón Imperial.- Dolma: Pemento piquillo recheo de carne con salsa de nata
– Bar Cantábrico.- Babilla de Tenreira ás finas herbas con piñóns
– Bar La Plata.- Flan de Mexillóns
– Bar Normandy.- Rabo de Touro con puré de mazá
– Restaurante Casa Pepi.- “Chipirón enrrollao”
– O Rincón do Tronco.- Menú Nupcial: lagostino, ameixas, carne asada e sobremesa
– Mesón O Recuncho.- Merluza con salsa curry
– Asador La Quinta.- Canelóns mini de setas con confitura de boletus e crocante de xamón ibérico
– Mesón O Cambeiro.- Espárrago recheo de marisco con salsa americana
Fóra de concurso colaborará o Restaurante O Asador, que ofrecerá unha tapa especial aos seus clientes durante os días do concurso.
Os locais servirán tapas todos os días cun horario mínimo de 12.00 a 15.30 horas e de 20.00 a 24.00 horas (a excepción do domingo que se servirán ata as 22.00 horas). En cada local participante, haberá “Tarxetas de votación” a disposición dos clientes.
Cada vez que un cliente deguste unha das tapas do concurso, o establecemento selaralle a “Tarxeta” na casila correspondente ao seu local.
Os clientes poderán votar a tapa que máis lles gustou e entrar no sorteo de 150 euros, se a tarxeta ten un mínimo de 6 selos, ou 300 euros en vales de compra, se a tarxeta ten o 100% de selos, é dicir, os 12.
O voto poderá realizarse ata o domingo 17 de abril ás 22.00 horas en calquera das urnas situadas en todos os locais participantes.
Para os locais participantes haberá 3 premios:
– Mellor tapa popular: elixido mediante as votacións dos clientes.
– Mellor presentación: elixida por un xurado alleo ao evento.
– Mellor tapa tradicional: elixida por un xurado alleo ao evento.
O xurado estará formado por Juan Manuel Paz, Técnico especialista en Hostelería; Carlos Pérez Martin, xefe de cociña do Restaurante Mis en Plas e do Rincón del Mis, formado en la Escuela de Hostelería de Foz e Conchi Carreirras Vizoso, profesora de cociña da Escuela de Hostelería de Foz.
O luns 18 de abril, a organización procederá ao reconto de votos, sorteo dos vales de compra e posterior comunicación ao agraciado e aos locais gañadores.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
