Ribadeo, 1 de abril 2016.- O Concello organiza un intercambio poético Galicia-Madrid, que terá a primeira parada o vindeiro xoves, día 7, en Madrid e no que participarán o poeta ribadense Xavier Rodríguez Baixeras e as poetisas Yolanda Castaño e Olaia Cociña. Este encontro-intercambio organizado pola Concellaría de Cultura chegará a Ribadeo o 3 de xuño. Os actos déronse a coñecer este venres polo edil de Cultura, Farruco Graña, a quen acompañaron os poetas Xavier Rodríguez Baixeras e Yolanda Castaño.
O responsable de Cultura salientou que “para nós na Concellaría de Cultura do Concello de Ribadeo é un pracer apostar pola poesía. Este ano puxemos en marcha un ciclo Ventos Poéticos, que inaugurou o noso insigne poeta Xavier Rodríguez Baixeras e seguiremos apostando pola poesía con este encontro poético Galicia-Madrid e cara o outono volveremos facer outro acto poético. A poesía tamén fará acto de presenza na Feira do Libro que teremos no primeiro fin de semana do mes de xullo dando comezo á actividade do terceiro trimestre”.
Farruco Graña dixo: “este encontro poético Galicia-Madrid debo agradecerlle a Yolanda Castaño a proposta que nos presentou o verán pasado nada máis tomar posesión do cargo. Esta idea parécenos interesante porque todo o que sexa intercambio cultural entre distintas linguas e distintos pobos é apostar pola variedade, pola riqueza e polo sincretismo posterior que se poda dar no plano estético entre diferentes estilos e diferentes linguas”.
O concelleiro de Cultura salientou que “nesta ocasión será con poetas madrileños, en edicións futuras poderíase organizar encontros poéticos con outras linguas do estado ou doutros países como poida ser Portugal. O importante é ir paso a paso sentando as bases dunha tradición de recitais poéticos que fagan de Ribadeo tamén unha referencia nese eido”.
Graña convidou a “todas as xentes amantes da poesía e a cultura a achegarse no seu momento a Ribadeo a principios do mes de xuño e queremos enviar un saúdo moi fraternal aos homes e mulleres que se dedican á poesía en Madrid e que van dar acollida á primeira parte deste encontro Galicia-Madrid que vai estar representado no caso galego por Xavier Rodríguez Baixeras, Olaia Cociña e Yolanda Castaño”.
Pola súa banda a poetisa Yolanda Castaño manifestou que “A Mariña sempre foi unha canteira poética, unha sede inmellorable para a poesía e queremos traer a poesía viva tanto de Galicia como doutros recantos do estado a todas as persoas amantes da poesía, pero tamén nos gustaría seducir a propios e estraños, que se perda un pouco o medo a poesía e acudan a esta convocatoria a descubrir cómo seguramente a poesía ten moito máis que dicirlles do que pensan”.
O ribadense Xavier Rodríguez Baixeras cre que “é importante que a poesía apareza ao público que non sexa algo exclusivamente persoal e subxectivo senón que se dea a coñecer a través do recital. Se nós aquí en Ribadeo contamos con locais apropiados como temos para efectuar estes recitais de poesía entón estou certo de que o acontecemento será moito máis importante. É clave que a poesía se manifeste mediante recitais”.
A primeira parada deste intercambio poético Galicia-Madrid terá lugar este xoves, día 7, en Madrid na Asociación de Escritores e Artistas Españoles ás 20:00 horas. Xunto aos poetas galegos Xavier Rodríguez Baixeras, Olaia Cociña e Yolanda Castaño participarán os madrileños Vanesa Pérez Sauquillo, Jorge de Arco e Carlos Aganzo. A volta será en Ribadeo o día 3 de xuño no Cine Teatro ás 20:30 horas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
