A Agrupación Socialista de Ribadeo ten o pracer de convidarvos a celebrar o día internacional contra a homofobia, transfobia e bifobia, o vindeiro 17 de maio.
No noso partido sabemos ben das dificultades que ten este colectivo para acadar a igualdade de dereitos e temos sido exemplo de acompañamento e defensa do mesmo durante todos os períodos de mandato socialista, acadando o noso maior éxito ata o día de hoxe coa aprobación da Lei do Matrimonio Igualitario o 3 de xullo de 2005.
Pero, por desgraza, non está todo feito. É necesario seguir traballando para que todos e todas, con independencia do sexo, orientación sexual, identidade de xénero, ideoloxías, e un largo etcétera de condicións persoais, sexamos iguales non só perante a lei senón tamén no noso día a día. Por iso, faise necesario visibilizar, normalizar e integrar dunha forma plena ás persoas que conforman o colectivo LGTBI, acompañándoas, defendendo os seus dereitos e esixindo o debido respecto á súa dignidade e á súa integridade.
O Grupo Municipal Socialista de Ribadeo ven de presentar unha moción no noso concello que ten sido aprobada por unanimidade e que recolle un acordo con diferentes puntos a desenrolar para conseguir unha integración plena e real do colectivo na nosa sociedade.
Un dos puntos do acordo presentado na moción facía referencia á celebración do día internacional contra a homofobia, a bifobia e a transfobia, que se celebra como temos dito, o 17 de maio. Este punto foi rexeitado polo goberno municipal por coincidir a data coa celebración do día das letras galegas.
Nós entendemos que ningunha destas dúas celebracións é excluínte pero, ademais, consideramos necesario empezar a traballar xa na nosa comarca onde, sen ter habido casos de violencia contra este colectivo, tampouco se ten feito nada por el.
Por iso, temos organizada unha xornada que cremos de moito interese e na que contaremos con dous excelentes conferenciantes: Gonzalo Diz, activista e membro da Asociación LGTBI 7Cores Compostela, e Mariano Beltrán, psicólogo e activista, que nos falarán da importancia do activismo como motor do cambio social e dos prexuízos e estereotipos que afectan ó colectivo e cómo se poden combater.
As conferencias terán lugar ás doce da mañá no Cine Teatro de Ribadeo están dirixidas a todas aquellas persoas que teñan o interese e a vontade de aprender e compartir inquedanzas para convertir a nosa sociedade nunha sociedade consciente e respectuosa ca diversidade.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
