Burela, 3 de maio de 2016.- A Fundación Imdecum (Impulso ao Deporte, Cultura e Turismo na Mariña) presentou na mañá deste martes en Burela a quinta edición do Torneo de Fútbol Sala Base da Fundación Imdecum, que en 2016 amplía horizontes, con nova sede na Coruña, e estrea nomenclatura, como Torneo Heroes do Orzán, “Memorial Rodrigo Maseda Lozano, Javier López López e José Antonio Villamor Vázquez” (29 de xuño-3 de xullo) en lembranza tamén dos outros dous policías que faleceron xunto a Rodrigo nos traballos de rescate na praia herculina en 2012.
O salón de plenos do consistorio acolleu o acto, no que o presidente da fundación, Marcelino Luna, e o alcalde de Burela, Alfredo Llano, estiveron acompañados polo concelleiro de Deportes local, Ramiro Fernández, e os seus homólogos de Cervo e Viveiro, José Ramón Soto e Emilio Villarmea, colaboradores no torneo ademais dos municipios de Foz e Xove; tamén asistiu o director técnico deportivo de Imdecum, Alfonso Mera.
Marcelino Luna destacou o gran salto que dará o torneo en 2016 con diferentes novidades. “É unha edición moi especial para nós, cumprimos cinco anos cunha traxectoria en continuo crecemento. En 2015 debutou a categoría prebenxamín e sumouse o municipio de Viveiro e este ano damos un paso máis. Honraremos a memoria dos tres Heroes do Orzán incluíndo a sede da Coruña, onde estaban destinados Rodrigo e os seus compañeiros; alí estrearemos competición paralela nas categorías femininas Sub-16 e Sub-19”, adiantaba o presidente de Imdecum, incidindo na grande expectación que xa está xerando o Memorial 2016 entre clubs de toda España: “Xa amosaron o seu interese equipos de Madrid, Asturias, Castela e León e de todas as provincias galegas; unha perfecta mostra do bo funcionamento do torneo é que temos clubs que repiten a súa presenza ano tras ano. Este verán o Memorial traerá máis de 700 rapaces/as coas súas familias; sobre 600 participarán e aloxaranse na Mariña, con 4 días de competición, 1 día máis ca en edicións anteriores” adiantaba así Marcelino Luna, que non quixo pechar a súa intervención sen mostrar o agradecemento da Fundación ás familias de Rodrigo Maseda, Javier López e José Antonio Villamor, ademais das institucións colaboradoras: “Para nós é un auténtico privilexio poder difundir o legado de Rodrigo e dos seus compañeiros; son todo un exemplo para a xuventude”.
Pola súa banda, Alfredo Llano aplaudiu o traballo de Imdecum na formación de base: “Para Burela é un pracer colaborar con esta iniciativa e seguirémolo facendo sempre en todo o que poidamos para axudar a que siga medrando como o está facendo”. Dende Cervo e Viveiro, José Ramón Soto e Emilio Villarmea referendaron o apoio á cita.
Inscrición aberta ata o 6 de xuño
Ata o luns 6 de xuño os equipos que así o desexen poderán formalizar a súa inscrición para o Memorial. Ao longo de catro xornadas, un día máis ca en edicións anteriores, A Mariña acollerá a ilusión futbolística das categorías prebenxamín, benxamín, alevín, infantil, cadete e xuvenil, nos pavillóns municipais de Viveiro e Xove, A Veiga (San Cibrao), Marzán (Foz) e Monte Castelo e Vista Alegre (Burela). A nova sede, a coruñesa, albergará a competición nas categorías Sub-16 e Sub-19 femininas.
Durante o torneo e coincidindo co grande ambiente da Festa Castrexa en Burela, a organización tamén lles ofrecerá aos rapaces/as unha programación lúdico-deportiva complementaria, con inchables, e visitas guiadas ao barco-museo Reina del Carmen de Burela e o Museo do Mar de San Cibrao, ademais de ter a posibilidade de usar as instalacións de Activity Center e do complexo deportivo da Marosa, na vila burelense. Xogadores/as e familiares poderán gozar dunha completísima oferta turística ao longo da Mariña e da Coruña.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
