A aplicación da LOMCE supuxo un maior reforzamento do ensino confesional, pois a relixión non só continúa sendo unha materia escolar, senón que pasa a ter o mesmo valor académico que as demais.
Todo isto viuse agravado coa distribución horaria das materias de bacharelato que provoca que haxa alumnado que se vexa obrigado a matricularse en relixión en contra da súa vontade, dado que, segundo a actual normativa, o alumnado de 1º de Bacharelato debe cursar dúas materias troncais de opción e un mínimo de dúas e un máximo de tres específicas, entre as que está a de relixión cunha carga horaria dunha hora.
Os períodos lectivos asignados ás materias específicas e de libre configuración son seis en 1º de Bacharelato, polo que, tendo en conta que ten que cursar un mínimo de dúas materias e un máximo de tres nas específicas, o alumnado tería que escoller entre as seguintes opcións:
a) Materias específicas (2 ou 3 cunha carga horaria de 2 horas, 3 horas, 4 horas ou de 1 hora (Relixión).
b) Materias de libre configuración autonómica (todas cunha carga horaria de 2 horas)
c) Materias de libre configuración do centro (carga horaria de 1 ou 2 horas)
Como a norma obriga a cursar necesariamente dúas específicas, dáse o caso de que, por exemplo, o alumnado de 1º de Bacharelato que curse como específica Tecnoloxía Industrial, cunha carga horaria de 3 horas, e Robótica de libre configuración, de 2 horas, obrigatoriamente terá que coller relixión, xa que ten que cursar unha específica máis e só relixión ten unha carga horaria dunha hora. Aínda que o centro oferte unha materia de libre configuración dunha hora, o alumnado non a podería cursar pois é obrigatorio, como mínimo, cursar dúas específicas e, por tanto, tería que optar pola relixión.
Por outra parte, o alumnado que escolla a materia de afondamento e/ou esforzo dalgunha materia como de libre configuración verase prexudicado por non ter unha cualificación, ao contrario do que curse relixión.
A CIG-Ensino considera que ten que prevalecer a aconfesionalide e o dereito do alumnado a poder escoller a materia que mellor se axuste ao seu itinerario formativo, sen estar obrigado, directa ou indirectamente, a matricularse en relixión se non o desexa.
Por todo isto e ante este mecanismo perverso, reclamamos da Consellaría de Educación que modifique a lexislación con tempo suficiente, a fin de eliminar esta discriminación e inxustiza e para evitar que se repita no vindeiro curso. Todo se resolvería excluíndo a relixión como materia de bacharelato e do ensino en xeral, mais, mentres, cumpriría suprimir a obrigatoriedade de cursar dúas específicas como mínimo ou darlles ás de libre configuración autonómica a consideración de específicas, para estes efectos, e ofertar outra materia específica dunha hora.
A Mariña, 2 de xuño de 2016
Dores Fernández Abel
Secretaria da CIG-Ensino A Mariña.
Foi cunha visita a unha casa tradicional na Madanela, con demostración do funcionamento dun muíño de auga incluído, e cunha merenda. Foi unha excelente ocasión para que persoas doutras terras que, ou ben están de paso por Ribadeo, ou xa se estableceron na Mariña, puideran coñecer un pouco máis dos nosos costumes, apeiros de labranza, organización do territorio, etc. Como non podía ser menos neste ano dedicado as cantareiras, dedicamos una parte da tardiña a dar vida a cantigas populares, que durante o curso comentaron nas aulas de galego.
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
Recibiron diplomas e lotes de libros. Todos participarán na fase provincial. A edil felicitounos e animounos a seguir creando: “grazas a todas e a todos por participar. Anímovos a seguir creando, xa sexa a través da escritura ou do debuxo, xa que vos axudará a medrar como persoas”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
Este xoves 29 de maio, ás 20,30h., na Biblioteca Municipal El Viejo Pancho de Ribadeo, a A.C. Francisco Lanza organiza a presentación da novela xuvenil "Cartas na escuridade", de Lois Pérez. Este relato xuvenil levou o premio de Literatura Xuvenil María Victoria Moreno. Teresa González Piñeiroa, profesora de Lingua e Literatura Galegas no IES de Ribadeo Dionisio Gamallo, vai conducir o acto.
