A Mariña, 6 de xuño de 2016. O colectivo de Emigrantes Retornados da Mariña manifestarase o próximo 10 de xuño en Compostela, xunto con outras plataformas comarcais galegas, coa intención de lembrar que o trato fiscal segue sendo discriminatorio para aquelas persoas que tivemos que emigrar en décadas pasadas. O colectivo pon a disposición un autobús co prezo de 10 euros por persoa, podendo anotarse nos teléfonos 982 140 654 ou 636 500 651.
O colectivo mariñao denuncia que nos meses da fallida conformación do goberno no Estado, ningunha das formacións políticas con representación no Congreso e Senado falou en ningún momento da súa problemática, ignorando as mais de 250.000 persoas afectadas, só en Galiza.
Con esta mobilización pretenden meter na axenda dos debates políticos previos ás eleccións xerais, mais especialmente acadar o compromiso das formacións políticas cara a resolver o seu problema, goberno quen goberne no futuro.
Emigrantes Retornad@s da Mariña volven lembrar que as súas reivindicacións seguen vixentes polo que baixo o lema “XUSTIZA E IGUALDADE” demandarán a paralización da lei Montoro e a urxente modificación das leis tributarias no seguinte sentido:
*Impulsar un compromiso de todos os partidos políticos, para que unha das primeiras medidas que se tomen na nova lexislatura sexa a de ORDENAR a PARALIZACIÓN do PROCESO do plan Montoro, que está levando a cabo o Ministerio de Facenda contra o colectivo de pensionistas e xubilad@s, desde o ano 2013, por inxusto e discriminatorio e poñer punto e final o calvario a que estamos sometidos pola AT milleiros de cidadás e cidadáns galegos.
*Lexislaranse con urxencia as leis necesarias que enchan o baleiro que fai anos que existe e que ao noso modo de ver e unha das causas principais deste grave problema.
“Non a aplicación da lei con carácter retroactivo e polo tanto que se nos devolva o que pagamos inxustamente. “A modificación da lexislación actual para que o tratamento fiscal das nosas pensións sexa equivalente a de calquera outro pensionista.
“Unha lexislación clara na que en virtude do establecido nos diferentes tratados bilaterais, se establezan os dereitos e obrigas de cada caso, incluíndo o recoñecemento de oficio do grao de invalidez recoñecido no país de orixe da pensión.
“Asumir o contido das sentencias xudiciais que en virtude do artigo 19 do tratado bilateral hispano-alemán vixente até o 31 de decembro 2012, que exime de tributación no Estado español as pensións percibidas en Alemaña antes do exercicio 2013, e en consecuencia procédase a devolución de oficio, de todas as contías ingresadas polas persoas afectadas en concepto de IRPF.
Emigrantes Retornados A Mariña
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
