Burela 26 de maio 2025. CIG Saúde A Mariña demenda un servizo de fisioterapia e rehabilitación de calidade, de proximidade e 100% público na Mariña.
Habilitar fisioterapia de tarde nos Centros de Saúde de Ribadeo e Mondoñedo, pechados e infrautilizados en quenda de tarde.
Habilitar fisioterapia no Centro de Saúde de Burela, único Centro de Saúde da Mariña sen ese servizo e prestación.Esta carencia coloca nunha situación de desigualdade as/os pacientes de Burela respecto doutros Concellos, xa que as e os médicos de familia de Burela non poden prescribir rehabilitación nos casos que establecen os protocolos SERGAS, coma nos outros Centros de Saúde. Este feito provoca a saturación do servizo de rehabilitación do Hospital da Mariña ao ser o centro de referencia para as veciñas e veciños de Burela.
Dotar o Centro de Saúde de Foz con 2 fisioterapeutas máis como mínimo, polas altas listas de agarda, algunhas persoas agardando dende 2023, chegando mal e tarde para unha correcta rehabilitación, e para dar asistencia á poboación de Burela de non ser posíbel unha solución inmediata para a veciñanza deste Concello.
Ampliación do servizo de rehabilitación do Hospital da Mariña e renovación/dotación de aparellos obsoletos.
Fisioterapia do chan pélvico no Hospital da Mariña: a fisioterapia uroxinecológica é unha rama da fisioterapia que ten como obxectivo poder valorar, tratar, mellorar e previr as alteracións que poidan producirse na zona do chan pélvico, tanto en homes como en mulleres. Actualmente inexistente e sen atención sanitaria pública na nosa comarca.
Fisioterapia respiratoria infantil: A fisioterapia respiratoria é unha rama da fisioterapia que trata os síntomas das enfermidades respiratorias, tan comúns entre os nenos pequenos”, explican dende CIG Saúde A Mariña. Unha prestación sanitaria que non é ofertada na comarca, obrigando as crianzas e familias a derivarse a Lugo, “o que supón un gasto sanitario a maiores que teremos que asumir dos nosos petos polo simple feito de elixir vivir na Mariña”, afirman.
2 médicos/as rehabilitadores no Hospital da Mariña
Recursos humanos necesarios:
1. 4-5 fisioterapeutas como mínimo.
2. 1 médico/a rehabilitador/a máis, actualmente temos 1 médica rehabilitadora, e en situación de incapacidade laboral transitoria, que é cuberta insuficientemente co desprazamento dende Lugo de profesionais uns poucos días á semana , algo que só é un parche pero non a solución.
3. 1 Terapeuta ocupacional: para maximizar a función e a independencia nas habilidades da vida diaria . O tratamento pode incluír actividades para mellorar a función de brazos e mans, a visión, a cognición, a reinserción social ou a mobilidade.
4. 1 Logopeda: para mellorar as habilidades comunicativas, lingüísticas e de deglución de persoas con diversas condicións neurolóxicas ou trastornos da comunicación.
OBXECTIVO: Evitar as derivacións a hospitais privados ou a centros privados/concertados de Viveiro, Foz e Ribadeo, diminuíndo así as listas de agarda, prestando un servizo 100% público de calidade e de proximidade.
“Deste modo obteriamos un dobre obxectivo: crear emprego de calidade na comarca e prestar un servizo de rehabilitación e fisioterapia 100% público e de calidade”, afirman.
“Agardamos que quen dirixe a nosa sanidade tome as medidas necesarias para resolver a situación actual, nós estaremos vixiantes para que así sexa”, conclúen.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
