As burelenses dominan un encontro moi competido ante un salvado pero pasional Guadalcacín que o intentou en Burela
Burela, 24 de maio, 2025. O Burela FS disputa o seu último partido da tempada na casa, un encontro que, a priori, non debería supoñer ningún problema para manter o segundo posto na táboa da clasificación, conseguida a semana pasada ao caer o Futsi ante o Melilla. Este partido da xornada 30 disputouse en Vista Alegre, ás 12.00h, en horario unificado, con arredor de 500 espectadores, ante o CD Guadalcacín FS, un dos equipos recentemente ascendidos nesta tempada 24/25 e que veu coa tranquilidade de non xogarse nada, xa coa permanencia asegurada. Primeira parte con dominio do Burela aínda que moi competida, sobre todo nos últimos minutos e segunda parte con menos ritmo, moito xogo de balón e non moitas ocasións por parte de ningún dos dous conxuntos, xogo bastante parello no que as burelenses se antepuxeron igualmente con tres goles que lles permiten o pase a playoff en segunda posición.
Colle confianza o Burela anotando nos primeiros minutos de partido cun golazo escorado de Dinha que sorprende a Paola tras un pase de Emilly e case o volve a facer (Dinha), dous minutos despois cun disparo raso que se vai rozando o pau. Poucas opcións para o Guadalcacín nesta primeira parte, unha delas no minuto 6 no que Ana Eliza despexa o balon a un disparo de Nekane desde o bordo da área. No 7 Paola evita o segundo tras un disparo desde a área de Patricia e roza o traveseiro un cabezazo de Lora que case a mete en propia porta. No minuto 12 segunda ocasion do Guadalcacín que despexa Ana Eliza, un disparo de Gleice que puido ser o empate, e o 13 sálvaa Emilly tras un despexe da porteira brasileira que logra desviar un disparo picado deixando o balón morto na área e a súa compañeira sácaa fóra. Triple ocasión de Cami no 17 que a despexa ao traveseiro nun roubo en área rival e logo sácaa por encima tras o despexe, na seguinte xogada tamén dispara desde o frontal pero despexa Paola a córner. Falta perigosa no minuto 18 que saca Antía Pérez e métea cun disparo raso que burla toda a defensa gaditana. No último minuto presionan as visitantes tentando achegarse no marcador antes de irse ao descanso. Voa Ana Eliza ata en dúas ocasións despexando dous balóns no último minuto e chega o 2-1 que as levará ao descanso, un gol moi escorado de Ame Romero que sorprende á porteira burelense.
Téntao dúas veces Emilly nos primeiros minutos desta segunda parte con disparos afastados que se van fóra lonxe da portería. Salva Caridad (que disputa esta segunda parte baixo os paus da portería laranxa) unha bolea de Nekane nunha boa transición das gaditanas. Case empata o Guadalcacín no 27 cunha dobre ocasión que nun primeiro momento despexa Caridad e logo lánzaa fóra Gleice. Chega o 3-1 no minuto 28, un gol de Cilene que non perdoa un erro na saída das visitantes e que recupera Antía Pérez que lla deixa á xogadora brasileira en bandexa para marcar a pracer. Moito xogo de balón nos próximos minutos con poucas ocasións por parte de ambos equipos que non logran finalizar ata o minuto 35 en que Paola frustra unha dobre ocasión das bureleneses, a primeira de Antía Pérez tras un saque rápido de banda que lanza ás mans da porteira e logo Dany case a mete no rexeite, no que volve atoparse coa porteira gaditana. Tras un tempo morto pedido por Andrés Sánchez saen con presión de 5 para 4 con Lora de porteira-xogadora. Téntao Gleice nunha xogada individual no último minuto pero a lanza fóra preto do primeiro pau.
Remata o encontro 3-1 no marcador fixando o Burela esa segunda praza para os playoff e gañando a vantaxe do factor cancha, playoff nos que se enfrontará ao seu eterno rival, o Futsi Atlético Navalcarnero, en dous clásicos, senón tres, que comezarán a semana que vén en Vista Alegre, coincidindo coas Festas de Burela.
Ficha Técnica CD Burela FS 3-1 CD Guadalcacín FS
Burela FS (3): Ana Eliza; Dany, Dinha, Cris Lourés, Emilly -quinteto inicial-, Cilene, Cami, Antía Pérez, Patricia, Noelia Montoro, Débora, Carolina Pedreira, Caridad (ps)
CD Guadalcacín FS (1): Paola; Ame Romero, Necane, Jussara, Gleice, -quinteto inicial-, Guti (C), Lora, María, Eu, Daniela.
Goles: 1-0, min. 2: Dinha. 2-0, min.18: Antía Pérez. 2-1, min.19: Ame Romero. 3-1, min.38: Cilene.
Árbitros: Iria de Luís Iglesia, Javier Menéndez Nistal, Gabriel Balea Martínez, Andrea de Luís Iglesia.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
