A Mariña, 28 de xuño de 2016.- O BNG trasladou ao pleno do parlamento unha Proposición Non de Lei que se debaterá no pleno deste mércores instando á Xunta de Galiza a “realizar todas as accións necesarias encamiñadas a garantir os centros produtivos e os postos de traballo de Alcoa en Galiza”. A portavoz comarcal nacionalista Ana Ermida, acusou ao presidente Feijoo “de agochar a cabeza ante os problemas por eludir dar a cara mentres están en xogo centos de postos de traballo na Mariña e na Coruña sometidos á incerteza de non saber cal vai ser o seu futuro”.
A deputada Carme Adán, Cosme Pombo e Francisco Jorquera asinan unha iniciativa acordada coa representación do cadro de persoal de Alcoa que busca acabar coa incerteza sobre o emprego e a actividade industrial das factorías de Alcoa en Galiza e, como xa fixeron tamén os comités de empresa da Coruña e San Cibrao, reclamar a implicación do goberno galego na busca de solucións que garantan emprego e actividade industrial.
Ana Ermida, responsábel comarcal nacionalista, “censurou o silencio do goberno galego e nomeadamente do presidente Feijoo, que cala e sae con evasivas como si con el non fora o conto cando o que está en xogo son centos de familias e no caso da Mariña unha parte fundamental do seu futuro pola dependencia en termos económicos e de emprego da factoría alumineira”.
Ermida lembrou que xa no mes de abril a Portavoz nacional, Ana Pontón, reuniuse co comité de empresa en San Cibrao, cando saltou a noticia sobre a posíbel venda de activos de Alcoa, o BNG promoveu acordos institucionais en concellos e deputación de Lugo para garantir actividade industrial, emprego e apoio aos cadros de persoal de Alcoa e empresas auxiliares, o 1 de xuño reuníronse co comité de empresa en San Cibrao os deputados Cosme Pombo e Carme Adán, data na que se decidiu esta iniciativa que agora vai a debate no Parlamento Galego.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
