Tres prazas libres no curso de administración de servizos en Internet na Academia A Mariña

Burela, 21 de xuño de 2016. Academia A Mariña impartirá desde este mes e ata novembro un curso de Administración de servizos en Internet para o que xa só quedan tres prazas libres. É gratuito, para desempregados, e ao finalizar obterán o certificado de profesionalidade oficial.

O curso terá unha duración de 608 horas e no mesmo abordaranse cuestións como administración de servizos web, de mensajería electrónica e de transferencia de arquivos e contidos multimedia, ademais de xestión de servizos no sistema informático. Haberá un módulo de prácticas profesionais non laborais de administración de servizos en Internet.

As persoas interesadas en acudir a este curso deben ser demandantes de emprego e cumprir como mínimo algún dos seguintes requisitos: ter Bacharelato, COU, FPII ou equivalentes.

Ademais, o mércores, 22 de xuño, terá lugar a selección doutro certificado de profesionalidade, Organización e xestión de almacéns, que che habilitará como técnico en xestión de stocks e almacéns, empregado administrativo dos servizos de almacenamento e recepción, almacenero de empresas de transportes, xefe de almacén, técnico en loxística de almacéns, xestor de almacén, responsable de recepción de mercancías, responsable de expedición de mercancías.

O teléfono para obter máis información en Academia A Mariña, en Burela, é o 982 58 50 98.