Cervo, 28 de xullo de 2016. Representantes do Concello de Cervo reuníronse con membros da organización da festa da Maruxaina, de San Ciprián, para coordinar o dispositivo de tráfico e seguridade. Na xuntanza participaron os concelleiros Dolores García, Manuela Méndez e José Ramón Soto; o responsable do Grupo de Emerxencias Supramunicipal (GES) de Cervo, Mario Antuña; un representante da Policía Local, Julián Otero; o encargado municipal de Obras, Eulogio Vázquez; e membros da asociación Amigos da Maruxaina, encabezados pola súa presidenta, Chus Méndez.
O concelleiro de Seguridade Cidadá, José Ramón Soto, explicou que “a fin de semana da festa da Maruxaina, que é de interese turístico galego, concretamente o venres 12 e o sábado 13 de agosto, por motivos de seguridade e co fin de facilitar o bo discorrer do evento, o Concello de Cervo, a través da delegación de Seguridade Cidadá, realizará modificacións e restricións no tráfico rodado de San Ciprián”.
José Ramón Soto engadiu que “tendo en conta a cantidade de visitantes que se achegan á nosa vila a divertirse nesta festa, ademais dos residentes habituais, o que implica un incremento importante do tráfico rodado, dende o Concello de Cervo recoméndase aumentar as precaucións e planificar os desprazamentos dentro do pobo. Por tal motivo, e sempre pensando na seguridade e no benestar dos nosos veciños e visitantes, vémonos na obriga de realizar certas modificacións no tráfico rodado. En concreto na Avenida da Mariña entre a rotonda e Correos estará cortada ao tráfico e non se poderá aparcar dende as 08:00 horas do venres 12 de agosto ata as 12:00 do domingo 14 de agosto. E o sábado 13 dende as 08:00 horas e ata o domingo ás 12.00 do mediodía estará cortado todo o acceso rodado ás rúas de San Ciprián e ao Porto de Arriba. Estes cortes terán a excepción dos vehículos de emerxencias, reparto e servizos municipais”.
O edil comentou tamén que “en canto ao dispositivo de seguridade, hai que recordar que a Concellaría de Seguridade Cidadá e a comisión organizadora da festa, xunto cos corpos implicados no control do tráfico e seguridade, Policía Local e Protección Civil, levaron a cabo unha reunión de coordinación para organizar a loxística, na que se establece un programa de medidas presenciais nas estradas para evitar atascos e posibles incidentes de tráfico, ademais de contar con efectivos de Tráfico, Garda Civil, Policía Autonómica e servizo de Cruz Vermella”.
Soto rematou manifestando que “dende o Concello de Cervo e a comisión organizadora da Maruxaina pedimos desculpas por adiantado a todos os veciños polas molestias que lles poida causar a celebración desta importante festa na nosa vila. Pedimos a colaboración de toda a cidadanía para minimizar os riscos e os problemas que se podan ocasionar”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
