O próximo venres 26 de agosto, ás 20.00 horas, nas escaleiras de San Francisco, en Ribadeo, a Agrupación Cultural Francisco Lanza organiza unha lectura pública de poemas de Manuel María na que animan a participar a todas aquelas persoas que o desexen, ben cun verso da súa preferencia, ben cun que a propia Agrupación lle pode facilitar. Esta actividade é continuación de Palabras no balcón, na que este ano se homenaxeou ao noso poeta nacional colocando versos seus en varandas de casas do centro de Ribadeo. Moitos dos poemas aos que pertencían eses versos serán recitados o próximo venres.
Lectura pública de versos de Manuel María coa AC Francisco Lanza
Relacionado
-
Ribadeo acolle este sábado unha xornada de convivencia astur-galaica do Club Rotary ao que asisten integrantes chegados desde Vigo, Coruña, Ferrol, Avilés, Oviedo, Gijón, León e Ponferrada
-
O Concello de Viveiro, en colaboración co Conservatorio, organizará en maio un curso gratuíto para adultos que desexen iniciarse na música
-
O grupo de danza da Escola Municipal de Música e Danza de Ribadeo foi convidado polo Conservatorio Profesional de Danza de Lugo a participar no “Encontro de Centros de Danza” que terá lugar este sábado, 26 de abril, na capital lucense
A organización estima que se porán á venda unhas 18.000 filloas ao longo do día. Este ano ofreceranse tamén ao público filloas sen glute e haberá degustacións do produto acompañado de crema de cacao, nata ou mel. Unhas 145 persoas colaborarán durante toda a xornada para celebrar a festa, impulsada pola mesma comisión organizadora da Moexmu 2025.
A Deputación achega 50.000€ ao Concello de Vilalba para a organización deste evento. O festival, que agarda recibir este dous días a milleiros de persoas, contará con artistas de renome como Varry Brava, Joe Crepúsculo, Shinova, León Benavente e The Rapants, entre outros. Pablo Rivera destacou a importancia do evento, que se celebra desde 2008, e subliñou que “o FIV é unha cita consolidada no panorama musical da comarca e da provincia, e desde a Deputación queremos continuar a apoiar este evento cultural, que tamén repercute positivamente na economía local”.
As crianzas de 3 a 6 anos, poden facer o seu marcapáxinas orixinal. As crianzas de 7 a 11 anos, deben continuar o relato que se inclúe no cartaz. As persoas de 12 anos en diante, poden escoller entre contar unha anécdota familiar ou seguir a historia que aparece no cartel. O prazo remata o 30 de abril para presentar os traballos a través do correo prensa@concellodecervo.com ou por whatsapp ao 683315939.
Durante o seu percorrido pola feira, a conselleira puxo de relevo a importancia de eventos deste tipo que contribúen á dinamización das zonas rurais e, neste caso, a dar a coñecer o traballo que desenvolven estes artesáns do ferro.
