Burela, 29 de agosto de 2016. O Concello dispón dun novo remolque para o transporte de zodiacs. Con esta última dotación o alcalde, Alfredo Llano, asegura que a localidade dispón de material de calidade para calquera rescate que sexa necesario realizar no mar ou en terra.
Alfredo Llano comentou que “a semana pasada fomos recoller un novo material para Protección Civil. Consiste nun remolque de 4´30 metros para trasladar e transportar unha zodiac, pero ao mesmo tempo tamén ven complementada cunha serie de material moi necesario para efectuar labores de rescate”.
O alcalde burelés asegurou que “hai unha serie de material moi útil que ven completar e complementar o que xa tíñamos. É un material moi diverso, moi bo para actuar directamente ou ben con rescates desde o aire ou no mar. Incluso ven dotado dun equipo completo de todo para levar rescates no mar en calquera condición ou tamén en terra, covas, acantilados, ou onde sucedan esas emerxencias. É un bo material que dona a Xunta e cofinanciado pola Unión Europea”.
O rexedor burelés engadiu que “este novo material asenta perfectamente o que víñamos tendo e o complementa. Parécenos moi importante poder empregalo nas praias se é necesario por algunha razón, vai ser moi útil telo preparado nas praias cando sexa conveniente para utilizado polos socorristas ou por salvamento”.
Alfredo Llano dixo: “Protección Civil de Burela está ben dotada con calidade e cantidade de elementos que nos poden servir cando sexan necesarios. Espero que non sexa necesario moitas veces e que non sexan graves, pero polo menos saber que contamos co mellor material que hai agora mesmo para efectuar labores de rescate”.
Este luns supervisaron este novo material o alcalde, Alfredo Llano, e o concelleiro de Protección Civil, Ramón Vázquez Andrade.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
