Burela, 12 de agosto de 2016. A Feira do Coleccionismo e as Antigüidades completa o programa de actividades para esta fin de semana en Burela. O alcalde, Alfredo Llano, anima a acudir a esta cita.
O rexedor subliñou que “a Feira de Antigüidades é moi importante e normalmente moi visitada. Xa tivéramos outras edicións cando estivéramosaquí no goberno no anterior mandato, con mercado de produtos antigos, de oportunidades e ofertas de cousas que normalmente non se ven nas tendas de forma ordinaria”.
Alfredo Llano quere “invitar a todo o mundo a que se achegue aquí a Burela porque imos ter esa Feira que vai ser o sábado, o domingo e o luns no pavillón dos institutos. Creo que vai haber alí moita xente ofrecendo os seus produtos, moi variados. Eu penso que é un atractivo grande para a comarca de A Mariña que se dá aquí en Burela”.
O alcalde burelés engadiu que “se vai complementar coa Feira do Marisco e imos ter aquí unha carpa durante dous días para que os visitantes poidan facer un acopio de alimentos e seguir o día e as actividades con todas as forzas e enerxías”.
Subvencións
Respecto ás críticas do PP relativas á concesión de subvencións por parte do Concello, Alfredo Llano, asegurou que “no Concello de Burela agora mesmo estamos tratando de organizar unha serie de subvencións de tal maneira que sexan con carácter obxectivo, tratar de motivar a aquela xente que estea formando parte dunha asociación e presente a petición de axuda no Concello”.
O alcalde dixo: “queremos que as asociacións estean motivadas e procuren facer as cousas cada vez mellor e máis e que colaboren co Concello. Nosoutros abrimos unhas posibilidades de subvencións, pero teñen que ser moi obxectivas. Existen unhas poucas que son nominativas pola súa natureza e importancia que xa se poden ir cobrando en pouco tempo, pero as subvencións obxectivas nas que se está agora mesmo traballando nas súas bases leva o seu tempo”.
Alfredo Llano manifestou: “non sei porqué se apuran tanto porque as subvencións que agora mesmo se están preparando están dirixidas a asociacións que teñen actividades ata finais de ano, por tanto moitas delas terán que xustificar actividades incluso no mes de decembro, así que queda moito ano por diante para que poidan organizar moitas das actividades”.
O alcalde de Burela asegura que “para nada houbo retraso porque houbo que aprobar os orzamentos non hai moito polas razóns que xa foron explicadas no seu momento, pero non quere dicir que non se fora traballando paralelamente coas bases destas subvencións”.
Llano subliñou que “son totalmente obxectivas e non como eran antes que eran todas nominativas e ían a libre albedrío e facíano unicamente na valoración que o equipo de goberno do PP lle daba a cada unha das asociacións. Había disparidades tan enormes que chamaban a atención. Nosoutros queremos facelo ben e a aquela xente que o mereza se lle vai dar”.
O alcalde burelés insistiu en que “non hai retraso ningún porque hai que dar tempo a cada asociación para completar as actividades anuais. Os técnicos do Concello están traballando para darlle lexitimidade e estámolo facendo dunha maneira moi democrática e representativa para que non se vexa discriminado ningún colectivo”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
