Santiago, 8 outubro 2016. O presidente da Asociación Cultural As San Lucas de Mondoñedo, Miguel Souto, e a alcaldesa mindoniense, Elena Candia, presentaron este sábado o programa das Feiras das San Lucas para este ano 2016, acompañados por outros membros do ente organizador do evento e polo concelleiro de Xuventude, Alberto García. As San Lucas, que se celebran anualmente na localidade lucense de Mondoñedo, terán lugar este ano dende o venres 15 ao sábado 23 de outubro, de xeito que recuperan os oito días de celebración tradicionais.
A presentación da que ostenta o cargo de ser a festa máis antiga de Galicia e unha das que conta con máis tradición en toda Europa, celebrouse na Aula Gastrocultural da Praza de Abastos de Santiago de Compostela. O presidente da asociación manifestou a súa ilusión pola presentación destas festas na capital de Galicia e por que sexa no Mercado de Abastos “un lugar emblemático e moi vinculado coas San Lucas, xa que estas feiras nacen con esta finalidade, coa de mercadear, trocar, vender..; e que co tempo se converteron en cultura e tradición”.
As San Lucas, unha festa con máis de tres cuartos de século
“Contar en poucas palabras que son as Feiras das San Lucas non é tarefa sinxela. Só quero apuntar como dato histórico que naceron en 1156 cando se lle concedeu a Mondoñedo o título de cidade; e este nomeamento leva consigo o privilexio de celebrar unha feira de oito días que desde entón se fai de xeito ininterrompido”, destacou Souto.
O presidente da Asociación engadiu que “dende aquela a tradición segue pervivindo no século XXI. As San Lucas celébranse porque todos os visitantes, xunto co pobo e a cidade de Mondoñedo segue sendo fiel á súa tradición, e todos teñen gravado na súa memoria que esta é unha feira con maiúsculas”.
Pola súa banda, a alcaldesa mindonienste, sinalou tamén que, “este ano combinamos o carácter máis tradicional da feira con novas incorporacións, convertendo a As San Lucas nunha das festas que atraen a todos os públicos”. E engadiu que “é un feito obxectivo que celebramos As San Lucas porque todos os visitantes e feirantes, xunto aos mindonienses, seguimos sendo fieis ás nosas tradicións e así o transmitimos de xeración en xeración”.
Candia recordou unhas verbas do propio escritor mindoniense, Álvaro Cunqueiro, quen decía que: “quizais non haxa en Europa horas mais antigas que as que se poidan pasar en Mondoñedo nas San Lucas”. “Invitámosvos a participar delas e coñecer a nosa historia, que forma parte da vosa”. Así, invitou a todos os asistentes a participar da programación deste que como é tradición ten ao gando cabalar como o seu máximo epicentro. “Mondoñedo está de moda y durante As San Lucas es un buen momento de conocer nuestra ciudad”.
Ambos destacaron o feito de preservar, ano tras ano, o seu aspecto máis tradicional, unha tradición que se mantén viva no tempo e que ten no gando cabalar o seu gran protagonista .Pretendemos que un ano máis, o 18 de outubro Mondoñedo volva a ser a capital que foi no antigo Reino de Galiza, e queremos que as galegas e galegos, se sintan orgullosos de ter unha das feiras mais antigas de Europa, que as desfruten e as sintan súas. Porque son un dos principais patrimonios inmateriais do noso país.
Programa de As San Lucas 2016
Sábado, 15 de outubro, día do Pregón, que este ano pronunciará Susana Rodríguez Gacio, de pais mindonienses, diploma olímpico Río 2016. Todos os días haberá pola noite actuacións musicais de orquestras.
Domingo, 16 de outubro. A partir das doce da mañá celebraranse os concursos morfolóxicos de cabalos de Pura Raza Galega, ademais haberá actividades culturais durante todo o día (Premio Mondoñedo 2016) e concertos pola noite con Susana Seivane e Cristina Pato, nun espazo inédito, o interior da Catedral.
Luns, 17 de outubro. O punto álxido do día comeza ás seis da tarde, seguindo coa tradición, momento no que chegan os cabalos desde o monte, polas rúas de Mondoñedo ata a feira. Os gandeiros xuntan aos seus cabalos, que estiveron todo o ano pastando en liberdade nos bosques da comarca, e nunha manada lévanos para o campo da feira. Xa pola noite celébrase o Festival de Música, ‘Voces da Paula’, unha gala feita polos mindonienses.
Martes, 18 de outubro. Día Grande, Día das San Lucas. A partir das oito da mañá, celebrarase a Gran Feira Tradicional de Gando Cabalar no campo da feira. Pola tarde o programa recolle, un Gran Festival Ecuestre a cargo das compañías: Club Hípico Maspalomas de Gran Canaria, Alberto Borjas de Burgos e a Asociación Pura Raza Cabalo Galego; así como exhibicións de Volteo, doma de alta escola, traballo en liberdade, exhibición de trenzado… As San Lucas tamén terán actuacións de humor da man do monologuista Carlos Branco.
Mércores, 19 de outubro. Durante todo o día haberá actividades culturais así como a conferencia do paleógrafo e profesor da Universidade de Oviedo Miguel Calleja Porta: ‘Cidade, mercado e feira: ou privilexio de Afonso VII a cidade de Mondoñedo (1156)’.
Xoves 20 e venres 21 de outubro. Actividades para todos os públicos durante o día e festa verbena pola noite.
Sábado 22 de outubro. Espectáculo-demostración de tallado artístico en madeira con motoserras, xogos celtas populares e encontro de música e baile tradicional na Praza da Catedral; ademais do concerto no auditorio de Mayor Tom y Still River e pola noite para os máis novos con Fonsi Nieto, Xriz, DKB, Habana eventos, Vallejo e Marcos Peón.
Por último, o domingo 23 de outubro, os cabalos volven a ser os protagonistas con concursos de andadura e de cabalos trotóns. Unha sesión de fogos artificiais pechará a 860 edición das feiras máis antigas de Galicia e unha das que conta con máis tradición de toda Europa.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
