Madrid, 14 de outubro de 2016. O deputado por Lugo de En Marea, Miguel Anxo Fernán Vello, vén de presentar unha proposición non de lei na Cámara Baixa na que insta ao Ministerio de Fomento a aumentar os servizos ferroviarios MD con orixe e destino Lugo.
Alega Miguel Anxo Fernán Vello que “Lugo é unha das grandes prexudicadas e excluidas do mapa de melloras e modernización ferroviaria. Debe ser compensada a fin de que poida contar con maiores servizos e frecuencias cara A Coruña, Ourense e Monforte, frecuencias úteis e que cubran todas as franxas horarias, especialmente as máis demandadas polos usuarios diarios do tren”.
Fomento debe compensar a Lugo
Ademais, o deputado de En Marea demanda ao Ministerio que se estude unha programación horaria dos servizos ferroviarios axustada ás necesidades laborais, de estudo ou doutro tipo dos habitantes de Lugo, e que facilite a conexión con outros enlaces, tanto para coller trens de longa distancia como trens do Eixo”.
Outra das cuestión que o parlamentar de En Marea pón enriba da mesa é a necesidade de analizar a posiblidade de aumentar as frecuencias do Alvia directo Lugo-Madrid, polo menos para que haxa outra de tarde. En xeral, o deptuado de En Marea tenciona a Fomento para que se adopten medidas destinadas a paliar o défice que padece Lugo e todo o territorio en materia ferroviaria, compensándonos con máis servizos ferroviarios.
Considera Fernán Vello que “marxinación que sofre Lugo neste eido é manifesta, recoñecida incluso polo propio Presidente da Xunta cando en febrero pasado admitía que “era xusto mellorar as conexión ferroviarias e de AVE en Lugo”. Lembra o deputado de En Marea que a conexión de alta velocidade Ourense-Lugo ficou relegada a pesar das numerosas promesas de que se trataba dunha conexión relevante. “Os lugueses teñen que continuar agardando pola prometida conexión de tren de altas prestacións Lugo-Monforte-Ourense porque non estivo entre as prioridades”.
“Un feito que unido ás clamorosas insuficiencias no tren convencional converteron a Lugo na cidade galega máis deficitaria en servizos ferroviarios”. Na exposición de motivos da súa proposición non de lei, Fernán Vello repasa toda a táboa horaria de servizos ferroviarios MD en Lugo con A Coruña, Ourense ou Monforte, destacando a ausencia de servizos en franxas horarias importantes para os traslados.
Asemade, critica a posta en funcionamento en febrero pasado de novas conexión con Madrid pero ningunha delas beneficia a Lugo posto que son frecuencias que parten de Ourense. Lugo ten só dous servizos Alvia por día.
O deputado de En Marea empraza a Fomento a rematar coa actual discriminación que padece Lugo en materia ferroviaria, aumentando os servizos e as frecuencias.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.