Santiago de Compostela, 24 de novembro. Compromiso por Galicia quere expresar a súa preocupación pola política trileira da Xunta de Galicia, cun presidente do goberno, que fixo da súa boa xestión unha bandeira para buscar votos por todo o noso territorio e polos platós de televisión, cando día a día se demostra que estamos ante un exercicio de cinismo e ilusionismo político.
Segundo os datos do Ministerio de Hacienda, a Xunta de Galicia paga aos seus provedores en 19 días, acumulando atrasos con respecto a meses anteriores e sendo a oitava comunidade na clasificación estatal.
Pero a situación non deixa de ser grave, porque non se teñen en conta un feixe de organismos dependentes da administración que non renden contas ao ministerio.
Tampouco se teñen en contra outras entidades como a empresa pública sanitaria Galaria ou o Consorcio Galego de Servizos de Igualdade e Benestar, nos dous casos cunha morosidade por riba dos 250 días ( 255 e 277 respectivamente).Ao referirnos a dous organismos relacionados coa sanidade e os servizos sociais, a nosa preocupación crece pensando nas consecuencias que isto pode ter nos usuarios finais.
Un goberno debe predicar co exemplo, respectar os prazos de pago, render contas con transparencia, porque senón estará, como é este o caso, enganando a todo un pobo e confirmando a súa incapacidade para xestionar este país, máis alá da propaganda e das mentiras.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
