Mondoñedo, 23 de novembro de 2016.- O Concello de Mondoñedo inicia o expediente para a venda das catro parcelas do polígono industrial que son de propiedade municipal. En concreto, o pleno local aprobará este venres a proposta do expediente de contratación e de licitación destas catro parcelas.
A alcaldesa, Elena Candia, remarcou que dende o Goberno local “estamos a realizar unha forte aposta por medidas encamiñadas a xerar riqueza e postos de traballo na provincia”, polo que considera “importantísimo avanzar na posta en valor do polígono industrial para incentivar o asentamento empresarial na localidade”.
Informe municipal de valoración das parcelas
O informe técnico elaborado polos servizos municipais para determinar o prezo de mercado das parcelas de titularidade municipal existentes no parque empresarial de Mondoñedo tomou como comparativa datos de ata 17 vendas reais de parcelas realizadas noutros concellos da Mariña, entre o 2014 e o 2016. Así, o prezo unitario homoxeneizado para a venda de parcelas de solo industrial similares as que se valoraron por parte do Concello de Mondoñedo é de 27.81 €/m2. Neste senso, a parcela de titularidade municipal de 946 metros cadrados, tería un prezo de venda de 26.308,26€; para a de 1.100 m2, o prezo de venda da parcela en función do prezo unitario homoxeneizado sería de 30.591,00€; para a de 979 m2, de 27.225,99€; e para a de 1.040 m2, de 28.922,40€.
Así, a rexedora lembrou que “traballaron coa pretensión de sacar á venda estas parcelas a prezos asequibles, poñéndoas a disposición dos emprendedores máis locais”.
Condicións de Uso
O informe que se aprobará o venres tamén inclúe que as condicións de uso destas parcelas sería a de calquera actividade industrial (obtención de materias primas ou derivados, incluíndo o almacenaxe, envasado, reparación, transporte e distribución de ditos produtos ou a exposición, reparación e garda de maquinaria), así como as funcións que complementan a actividade industrial propiamente dita.
Entre as condicións de uso tamén se inclúen aquelas actividades non especificamente industriais, como oficinas, laboratorios, centros informáticos, empresas de servicios, garaxe- aparcamento, talleres do automóbil e ou de vivenda. En tipoloxía illada considéranse tamén usos compatibles os hipermercados e establecementos de hostalaría.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
