O Presidente, Darío Campos Conde, mantivo este martes un encontro con Dorinda Vidarte, unha veciña de Lourenzá de 95 anos, que é usuaria do Servizo a Domicilio, que neste municipio finanza a Deputación a un total de 25 maiores. Campos Conde estivo acompañado pola Alcaldesa, Rocío López García, o Vicepresidente, Álvaro Santos Ramos, así como da traballadora social que presta atención a Dorinda.
Campos Conde avanzou que o Goberno da Deputación adiantou a Concellos de menos de 20.000 habitantes 1 millón de euros, orzamento ingresado xa nas arcas municipais, para a posta en marcha das melloras que o Executivo Provincial levou a cabo no Servizo a Domicilio. Estas supoñen a mellora da atención dos 1.800 maiores de 66 municipios que actualmente se benefician desta prestación social ou o incremento no número de usuarios a través da contratación de novos asistentes.
Neste senso, a Alcaldesa subliñou que este ano Lourenzá recibiu da Deputación o triplo de fondos para o Servizo a Domicilio, precisamente, debido a algunhas das melloras aplicadas por Campos Conde: por primeira vez o 100% dos custos son asumido polo organismo provincial e a distribución de fondos por Concello fíxose en base a novos criterios totalmente obxectivos. López García destacou que “isto permitiranos mellorar a atención que prestamos a 25 maiores do noso Concello”.
Como mellorou o Goberno o Servizo a Domicilio
O Servizo a Domicilio é a prestación social para maiores que o Executivo de Campos Conde decidiu financiar na súa totalidade dende o organismo provincial para aliviar aos Concellos de menos de 20.000 habitantes (que son 66) do 30% que tiñan que achegar despois de que a Xunta de Feijóo acordase, unilateralmente, deixalos sen orzamento autonómico algún para atender a maiores do rural lugués.
A decisión de Campos, que fixo pública en novembro de 2015 no Parlamento, supuxo que o Servizo a Domicilio teña agora custe cero para os 66 Concellos do rural, “que deixou abandonados o PP dende a Xunta”. Non ocorre o mesmo cos seus usuarios (actualmente 1.800 maiores de 66 municipios lucenses), pois o Goberno galego de Feijóo obrígaos a pagar co Decreto 99/2012, que tamén aprobou de xeito unilateral para modificar a Lei de Servizos Sociais fixar o copago en Galicia.
Máis fondos
Para aliviar aos Concellos, o Presidente incrementou aos 1,5 millóns de euros a achega da Deputación ao Servizo a Domicilio na provincia, tal e como avanzou hai un ano na súa comparecencia na Comisión de Economía, Facenda e Orzamentos do Parlamento de Galicia, na que informou sobre as liñas do Presuposto da Deputación de Lugo para 2016.
Xunto ao incremento de fondos da Deputación que reciben os municipios, estes poden, co orzamento provincial, pagar gastos de persoal ou, por vez 1ª, os de funcionamento. Isto permítelles contratar máis traballadores sociais para atender a novos usuarios ou mellorar a atención dos existentes (pois hai Concellos que non teñen listaxe de espera), pagándolles material sanitario ou mesmo desprazamentos dos/as asistentes xunto aos maiores a citas médicas, entre outras cuestións que redunden na mellora da súa atención. Para axustarse ás necesidades de cada Concello, o Goberno da Deputación acordou elaborar e asinar un convenio con cada municipio.
Anticipo do 90%
Para axilizar a posta en marcha de citadas melloras no Servizo a Domicilio, é dicir, para evitar que non se executaran por motivos orzamentarios, o Goberno da Deputación acordou ofrecer aos Concellos, de xeito pioneiro, un adianto do 90% do orzamento anual que lles correspondente para esta prestación social.
Os municipios que necesitaron este anticipo para poder iniciar a execución das melloras, e, polo tanto, o solicitaron foron 49. Os 17 que non o fixeron (Baleira, Becerreá, Bóveda, Cervo, Cospeito, Foz, Guitiriz, Láncara, Monforte de Lemos, Muras, Navia de Suarna, Ourol, Pantón, O Páramo, Ribas de Sil, Sober e O Valadouro), pero que tamén están a aplicar as melloras do Goberno da Deputación no Servizo a Domicilio, non o pediron para cumprir coa estabilidade orzamentaria que esixe a lei. O 1 millón de euros que a Deputación ingresou aos Concellos correspóndese co anticipo orzamentario do 90% do Servizo a Domicilio.
Distribución obxectiva dos fondos
Outra das melloras levadas a cabo polo Goberno de Campos no Servizo a Domicilio, foi a distribución dos fondos entres os 66 Concellos, pois fíxose en base a criterios totalmente obxectivos (índice de envellecemento; superficie; densidade de poboación e unidades de poboación), resultando a seguinte: Abadín: 25.107,21 euros; Alfoz: 23.062,85 euros; Antas de Ulla: 22.722,10 euros; Baleira: 22.722,10 euros; Baralla: 22.381,37 euros; Barreiros: 21.018,43 euros; Becerreá: 22.040,64euros; Begonte: 22.040,64 euros; Bóveda: 21.699,90 euros; Burela: 16.588,84 euros; Carballedo: 24.425,80 euros; Castro de Rei: 24.085,05 euros; Castroverde: 22.040,64 euros; Cervantes: 23.744,32€ euros; Cervo: 18.974,00 euros; Corgo: 22.381,37 euros; Cospeito: 23.744,32 euros; Chantada: 25.107,27 euros; Folgoso do Courel: 22.381,51 euros; Fonsagrada: 26.470,22 euros; Foz: 19.314,74 euros; Friol: 25.788,74 euros; Guitiriz: 24.766,53 euros; Guntín: 23.062,85 euros; Incio: 24.085,06 euros; Láncara: 22.381,37 euros; Lourenzá: 21.018,43 euros; Meira: 19.314,74 euros; Mondoñedo: 21.699,90 euros; Monforte de Lemos: 23.744,32 euros; Monterroso: 21.359,16 euros; Muras: 24.766,53 euros; Navia de Suarna: 24.425,80 euros; Negueira de Muñiz: 19.314,74 euros; Nogais: 21.699,90 euros; Ourol: 26.470,22 euros; Outeiro de Rei: 21.359,16 euros; Palas de Rei: 25.788,74 euros; Pantón: 25.788,74 euros; Paradela: 23.062,85 euros; Páramo: 21.699,90 euros; Pastoriza: 23.062,85 euros; Pedrafita do Cebreiro: 22.040,64 euros; Pobra do Brollón: 24.085,06 euros; Pol: 22.040,64 euros; A Pontenova: 21.359,16 euros; Portomarín: 22.381,37 euros; Quiroga: 23.062,85 euros; Rábade: 18.292,53 euros; Ribadeo: 20.677,69 euros; Ribas de Sil: 22.040,64 euros; Ribeira de Piquín: 22.381,27 euros; Riotorto: 22.040,64 euros; Samos: 22.722,10 euros; Sarria: 23.403,58 euros; Saviñao: 26.129,48 euros; Sober: 26.129,48 euros; Taboada: 24.425,80 euros; Trabada: 22.040,64 euros; Triacastela: 19.655,48 euros; Valadouro: 23.062,85 euros; Vicedo: 21.699,90 euros; Vilalba: 27.833,17 euros; Viveiro: 22.722,10 euros; Xermade: 23.403,58 euros; Xove 19.655,48 euros.
“Crisálida” é unha peza que combina emoción, reflexión e entretemento, ofrecendo unha experiencia escénica que promove valores de igualdade e transformación persoal. A actividade enmárcase dentro da programación do Área de Muller e Igualdade do Concello de Xove, en colaboración co Ministerio de Igualdad, o Goberno de España e o Pacto de Estado contra a violencia de xénero. O acceso é libre e gratuíto ata completar aforo. Desde o Concello de Xove, convidan a toda a veciñanza a participar e a gozar dunha tarde de cultura compartida, reforzando o seu compromiso cunha sociedade máis xusta, inclusiva e igualitaria.
Tiña 68 anos. Os seus restos son velados no tanatorio de O Valadouro. O enterro terá lugar este xoves. Este mércores ao mediodía, a Corporación Municipal xunto con membros da Corporación do Concello do Valadouro e compañeiros de partido, traballadores do Concello e veciñas e veciños realizaron un acto na memoria do tamén Primeiro Tenente de Alcaldesa do Concello de Alfoz. Efigenia Maseda pronunciou unhas palabras e gardouse un minuto de silencio. O acto rematou con aplausos en recordo de Jorge Val
O Concello de Xove, coa colaboración do IES Illa de Sarón, organizou esta proxección sobre a mobilización contra o proxecto de construción dunha central nuclear no municipio nos anos setenta. Tivo lugar este luns 10 de xaneiro no Salón de Actos. Ademais do alumnado e profesorado do IES de Xove, tamén asistiu público interesado neste episodio.
Fíxoo cunha exhibición de ximansia rítmica e de patinaxe artística que tivo lugar no pavillón do CEIP de Cervo e que contou coa participación da alcaldesa, Dolores García Caramés, e do edil de Deportes, David Rodríguez, que fixeron entrega dos diplomas e dun detalle a cada unhas das crianzas que asistiron neste curso ás escolas que tamen contaron con outras disciplinas como voleibol, multideporte ou balonmán.
Será ás 20 horas. Ricardo Aller de Dios é un artista visual cuxa obra se desenvolve entre a fluidez da acuarela e a solidez da cerámica. A súa práctica explora a relación entre o efémero e o permanente, a cor como ferramenta emocional e a conexión entre os elementos naturais e a forma humana. A través da acuarela, investiga a transparencia, a mancha e o azar como linguaxes expresivas, mentres que na cerámica atopa un espazo de construción pausada, táctil e meditativa, en diálogo coa terra e o lume. A exposición poderá visitarse ata o 14 de Xullo.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Entre os participantes destacou a presenza do Excmo. Sr. Bispo de Mondoñedo Ferrol D. Fernando García Cadiñanos. Tamén participaron membros de Cáritas diocesana de Ferrol. O camiño foi un descubrimento para moitos, con paraxes diferente nos seus 7 Km de percorrido.
