O delegado territorial explicou na Praza de Abastos da capital que xa o descargaron 12.000 lucenses e máis de 1.900 fixeron o primeiro uso
Lugo, 1 de agosto de 2025. O delegado territorial da Xunta, Javier Arias, informou hoxe na Praza de Abastos de Lugo da boa acollida que tivo o Bono Peixe que ofrece a Consellería do Mar, ao que de momento están adheridos máis de 70 establecementos da provincia -unha vintena na capital-.
O delegado animou aos consumidores a descargar e utilizar estes descontos, que suman 50 euros distribuídos durante 10 semanas. Así, en cada compra de peixe e marisco fresco obtense un desconto do 25% do importe ata un máximo de 5 euros semanais. De non alcanzar este tope, os remanentes acumulados de semanas anteriores poden sumarse ata alcanzar os 25 euros.
A campaña conta cun orzamento de 2,5 millóns de euros e seguirá aberta á incorporación de novos comercios mentres estea vixente, ata mediados de outubro; prevé mobilizar en Galicia uns 10 millóns de euros e beneficiar a arredor de 150.000 persoas. O luns activáronse os primeiros 250.000 euros e nesta primeira semana de vixencia descargaron o bono 12.000 usuarios na provincia de Lugo, dos que máis de 1.900 fixeron xa o primeiro uso; na capital descargáronse 5.122 bonos e utilizáronse 757.
O delegado destacou o carácter pioneiro da medida, que sitúa a Galicia como referente internacional na promoción do consumo dos alimentos mariños, reforzando outras iniciativas como a foodtruck GALICIA SABE AMAR ou a promoción en feiras internacionais ou eventos deportivos e culturais.
“A Xunta -indicou o delegado- incentiva o consumo dos produtos pesqueiros galegos cun dobre obxectivo: dunha banda, apoiar unha actividade económica fundamental na Comunidade, e doutra, facilitar a adquisición por parte dos consumidores de alimentos de altísima calidade cun alto valor nutritivo”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
