José María Fernández amosou a súa “fonda preocupación” tras analizar o Plan Económico Financeiro do Concello de Trabada que indica claramente “que a xestión do PSOE está a levar ao municipio a unha situación económica moi preocupante”
Trabada, 1 de agosto de 2025. Dende o Grupo Municipal do PP de Trabada amosaron hoxe a súa “fonda preocupación” tras analizar o Plan Económico Financeiro do Concello de Trabada que amosa claramente “que a xestión do PSOE está a levar ao municipio a unha situación económica moi preocupante”.
O voceiro popular, José María Fernández, explica que este Plan Económico Financeiro é de obrigada elaboración por incumprir o principio de estabilidade orzamentaria na liquidación do orzamento de 2024 por un importe de máis de 236.000€.
“A situación económica do Concello de Trabada é preocupante polo nefasta xestión do alcalde e o seu equipo de goberno”, afirmou, ao que engadiu que “moito ten que cambiar a xestión municipal” polo que convida ao equipo de goberno a “cumprir todas as medidas recomendadas polos técnicos municipais para reducir gastos e incrementar ingresos que van ter que pagar todos os veciños de Trabada”.
Algúns exemplos que “xa sufrimos todos os veciños de Trabada” son a subida da taxa da auga en cerca do 100% ou a taxa pola recollida de residuos, así como o IBI que “este ano todos os veciños pagaremos un 50% máis”. “Seguramente imos ter que pagar o dobre por calquera documento que solicitemos ao Concello e tódalas asociacións do municipio corren o serio risco de quedar sen ningún tipo de subvención municipal”, sinalou.
José María Fernández pon máis exemplos da “neglixente” xestión do alcalde socialista de Trabada. O centro de saúde segue sen estar cedido á Xunta, tendo que asumir o Concello os gastos de mantemento “simplemente porque foi incapaz de separar o consumo eléctrico do centro de saúde do da casa da cultura, algo que esixe a normativa”.
Outro exemplo da mala xestión do alcalde é que o Concello está pagando preto de 3.000€ ao ano polo aluguer dun local para Correos “cando se poderían aforrar cedendo un local municipal”.
Unha realidade “inexplicable” xa que o Concello de Trabada “tivo máis ingresos que nunca” nos últimos 10 anos; o Plan Único ou o ingreso do parque eólico son algúns destes exemplos de ingresos que antes non había “o que demostra que a xestión económica é nefasta e os socialistas nos están levando á ruína”.
INFORME DO CONSELLO DE CONTAS
José María Fernández recorda que xa en xaneiro “advertimos” a situación económica do Concello de Trabada tras coñecer o informe do Consello de Contas. “Naquel momento xa advertíamos de que de senón se tomaban medidas inmediatas, a xestión do Partido Socialista levaría ao Concello de Trabada á ruína e semella que o alcalde está empeñado en acadar esa meta”, sinalou.
O voceiro popular afirma que o alcalde de Trabada está a “facer un Concello máis endebedado e sen futuro” no que os servizos serán cada máis caros para a veciñanza. “O futuro que queda con este equipo de goberno é moi negro, polo que Trabada non pode agardar máis, necesita dun cambio xa que do contrario cada vez haberá mais nubes negras sobre Trabada”, sentenciou.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
