Lugo suma máis de 5.500 afiliados desde a entrada en vigor da reforma laboral, cunha mellora sostida do emprego autónomo e feminino
Lugo, 4 de agosto de 2025. A subdelegada en Lugo, Isabel Rodríguez, destacou esta mañá os bos datos de emprego da provincia tras publicarse o balance de afiliación á Seguridade Social correspondente a xullo de 2025. “Lugo continúa a tendencia positiva e sitúase con 129.416 persoas afiliadas, un aumento de 1.450 con respecto a xuño, o que representa un crecemento do 1,13 %, por riba da media galega e estatal”, afirmou.
Desde a entrada en vigor da reforma laboral a finais de 2021, Lugo gañou máis de 5.500 afiliados, consolidando un mercado laboral máis robusto, con máis emprego xuvenil, máis afiliación feminina e unha tendencia á estabilidade contractual. A subdelegada puxo en valor que “os datos de Lugo confirman que as políticas activas de emprego e a nova lexislación laboral están a ter un impacto positivo tamén na provincia, favorecendo especialmente ás persoas mozas e ás mulleres”.
Do total de afiliados, 97.274 pertencen ao Réxime Xeral, mentres que os traballadores autónomos superan os 30.700. A evolución interanual tamén é positiva: Lugo conta con 1.451 afiliados máis que hai un ano, o que supón un incremento do 1,13 %, mantendo un ritmo de crecemento sólido nun contexto de recuperación e modernización do mercado laboral.
A subdelegada subliñou, ademais, que “a estabilidade e a calidade do emprego son claves para fixar poboación no territorio, e os datos amosan que Lugo avanza nesa dirección”. A nivel galego, a comunidade supera o 1.113.000 afiliados, cun incremento de 20.112 persoas no último ano.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
