Pasada das Cabras e Terras de Lourenzá fixeron a 11ª etapa do Camiño

Baixo un constante chuvieiro as asociacións de sendeirismo Terras de Lourenzá e Pasada das Cabras de Burela percorreron, este sábado 12 de novembro, a undécima etapa do Camiño Norte, entre as poboacións de Arzúa e Pedrouzo. A etapa, de 19 km, é unha das máis bonitas que forman parte do Camiño Norte no tramo común co Camiño Francés, con gran cantidade de bosque autóctono de carballos e castiñeiros e practicamente a ausencia de eucaliptos en todo o percorrido. Participaron un total de 60 senderistas e para repoñer forzas repetimos o mesmo restaurante da 10ª etapa: Casa Carballeira, en Arzúa onde nos prepararon un fantástico menú que satisfixo ao máis esixente dos camiñantes. A próxima etapa do Camiño Norte será o sábado 17 de decembro para percorrer a 12ª e última etapa, que discorre entre Pedrouzo e Santiago. Antes de finalizar o Camiño Norte realizarán o domingo 4 de decembro a xa clásica ruta pola Fonsagrada, que serve cada ano para dar boa conta dun fabuloso cocido.