Un concerto de Fran Amil da o arranque á Festa da Palabra o 14 de novembro

A Asociación Socio Cultural A Pomba do Arco da comezo á Festa da Palabra, cun concerto o Luns 14 de Novembro ás 20:30 na Sala de Exposicións do CENIMA que correrá a cargo a cargo do grupo “Fran Amil e a tribo incomprensíbel” que presentarán o seu disco “ A voz do vento”, libro CD editado pola Mesa pola Normalización Lingüística, que música diversos poemas do poeta chairego Manuel María.

A actuación musical é unha proposta aberta a todos os públicos, e de xeito moi particular ao público infantil e xuvenil, que achega ao público a poesía de Manuel María a ritmo de rock, unha proposta que resulta novidosa na medida que significa abrir por primeira vez ao poeta premiado este ano co Día das letras Galegas a novos estilos musicais.

“A Voz do vento”, recolle once composicións dos poemarios Terra Chá, Proba documental, Aldraxe contra a xistra, Cantos rodados para alleados e colonizados, Versos do lume e o vagalume, A luz resucitada, As lúcidas lúas do outono e Sonetos á casa de Hortas, musicados por Fran Amil e a súa banda composta por Aarón Bouzón, Álex Bardanca, Fran Amil, Paco Cerdeira e Ricardo Casás.

A Pomba do Arco, con este primeiro acto da Festa da Palabra que nace como encontro literario musical arredor da poesía que tenta achegar a creación literaria ao grande público, tenta seguir homenaxeando ao poeta que mereceu o Día das Letras Galegas deste ano pero tamén ao socio de honra da Pomba do Arco e amigio de Foz Manuel María.

Os actos da Festa da Palabra terán continuidade o martes 15 de Novembro ás 20:30 no salón de exposicións do CENIMA de Foz, onde recitará os seus versos a poeta Marica Campo, persoa moi vinculada á Mariña de Lugo, onde residiu varios anos e onde exerceu como mestra.