En días pasados, a prensa local recolleu as declaracións de Antonio Bouza, voceiro do Grupo Municipal do Partido Popular, nas que se acusaba ao goberno local de enganar aos veciños e de deixar escapar os talleres de emprego por non completar a documentación requirida, facendo referencia expresa á falta de determinados certificados.
Ante tan graves acusacións cómpre realizar as seguintes aclaracións: En 2016, o Concello solicitou dous obradoiros de emprego, un de novas tecnoloxías e outro de hostelería; en ambos casos, o Concello recibiu requirimentos de documentación, que foron debidamente atendidos e contestados.
Con respecto ao obradoiro de emprego de novas tecnoloxías, con número de rexistro de entrada na Xunta 2016/808-rx963583, o concello remitiu a documentación solicitada, entre a que figuraba o certificado emitido pola Intervención coa cantidade comprometida no orzamento de 2016, sendo evidente que a cantidade para a parte do exercizo 2017 non se pode incorporar ata á aprobación do orzamento de 2017. Polo que se refire á diferencia entre a cantidade reflectida na memoria e á que aparece no certificado, cómpre indicar que a memoria abrangue a cantidade correspondente aos anos 2016 e 2017, mentres que no certificado só aparece a cantidade para 2016.
Con respecto ao obradoiro de emprego de hostelería, con número de rexistro de entrada na Xunta 2016/809-rx963633, o concello remitiu a documentación solicitada, entre a que figuraba o escrito que este concello remitiu á Xunta de Galicia solicitando autorización para utilizar o albergue para este fin, pois tense coñecemento de que o albergue só se utiliza durante o periodo estival e entendeuse que sería posible utilizalo durante o inverno, sobre todo tendo en conta o fin ao que se destinaría.
Con isto queda demostrado que os expedientes referidos estaban completos en prazo e cabe interpretar que a vontade política foi non conceder os obradoiros de emprego, pois, ademais, o concello podería ter realizadas as aclaracións oportunas na instrucción do expediente, ao que nunca se lle deu a oportunidade.
Agardo que estas explicacións sirvan para zanxar de unha vez esta polémica, indicando que no concello están os expedientes de ambos obradoiros nos que calquera cidadán pode constatar todo canto antecede.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
