O Observatorio da Mariña pola Igualdade e o Concello de Ribadeo organizan a exposición “Andar cos tempos …ou de como cribar o gran para mañá” que será inaugurada na Oficina Municipal de Información Turística de Ribadeo o domingo 18 decembro ás 13.00 horas.
Convidámoste á exposición “Andar cos tempos… ou de como cribar o gran para mañá” organizada polo Observatorio da Mariña pola Igualdade e o Concello de Ribadeo, na que colaboran a Deputación de Lugo, Museo do Pobo Galego e a Asociación Intercultural Santa Ferreña dos Encontros de Música Tradicional de Carboeiro.
A Oficina Municipal de Información Turística de Ribadeo acolle entre o 18 de decembro e o 31 de decembro a exposición“Andar cos tempos… ou de como cribar o gran para mañá”, comisariada por Carme Campo e Chus Caramés; dúas educadoras no ámbito non formal, investigadoras do noso patrimonio cultural inmaterial e mestras de baile tradicional residentes en Compostela.
Esta exposición pretende convidar a rever o que a anterior xeración nos transmitiu; a preguntarnos se realmente recollemos a súa experiencia e as innovacións que achegou; a repensar cal é verdadeiramente a esencia da nosa tradición, como queremos que sexa o noso xeito de festexar hoxe en día e que é o que queremos transmitir á seguinte xeración.
Céntrase principalmente no baile e na música tradicional, detectando distintos estereotipos sexistas que se perciben á hora de desenvolver estes dous elementos do noso patrimonio. Componse de catro espazos con textos e contidos audiovisuais tirados da nosa tradición que convidan a revela cos ollos ben abertos, aos que se lle suma un quinto espazo que chama a reflexionar poñendo un ollo no pasado, outro no futuro, e ambos no presente.
Esta exposición naceu en 2015 no marco dos XVI Encontros de Música Tradicional de Carboeiro e expúxose no Museo do Pobo Galego en abril e maio de 2016 dentro da programación do Departamento de Educación e Acción Cultural.
Aproveitamos para expresar o noso agradecemento ás persoas que colaboran con esta exposición, como Mercedes Peón, Luis Prego, María Vidal, Pichi Abollado, Elena Ferro, Patricia González, Beni Frecha, José Manuel S. Sanín, Ricardo Marcos Casás, familia Parapar, Asociación Berros do Castro, Milagros Bará Viñas, Ana Esteve, Marta Otero, Antía Ameixeiras, Sabela Pernas, Ana García Lenza, José Valiño, Daniel Reigosa, Albano Cancio, Arranxos de Burela, Xandobela, Asociación Santa Ferreña dos Encontros de Música Tradicional de Carboeiro, Museo do Pobo Galego e a Deputación de Lugo.
Así mesmo ás 17.30 horas terá lugar o obradoiro teórico-práctico “Bailar a canda os tempos” que convida a reflexionar de maneira participativa e vivencial sobre as seguintes cuestións: Que transmitimos cando bailamos ou ensinamos o noso baile tradicional? Así nolo transmitiron a nós? Como o habemos de transmitir? É impartido por Carme Campo e Chus Caramés e ten unha duración é de dúas horas.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
