Lugo, 17 de decembro de 2016.- A presidenta do Partido Popular de Lugo, Elena Candia, tras participar este sábado na concentración en defensa do ferrocarril lucense, asegura que dispoñer dun servizo ferroviario moderno e competitivo “é unha necesidade básica desta provincia” e, engade, “traballaremos para acadalo”.
En concreto, a popular dixo que “continuaremos a traballar alí onde temos responsabilidades de Goberno para que todas as necesidades sexan cubertas” e así puxo en valor que dende o Estado e a Xunta de Galicia “xa teñen demostrado a súa sensibilidade coas nosas demandas que reflicten os intereses comúns dunha provincia enteira”.
Entre as medidas postas en marcha polos gobernos estatal e autonómico, a presidenta dos populares na provincia citou, especialmente, a ampliación das frecuencias do traxecto Lugo-Madrid que pasaron dun único tren nocturno a catro frecuencias diarias (dúas delas enlazando co tren en Ourense a primeira hora da mañá e a primeira da tarde). Unha decisión que, segundo lembra a popular, non tardou en dar os seus froitos, como se deriva do incremento do número de pasaxeiros nun 21,3%, pasando dos 18.100 usuarios a 21.945 entre abril e setembro deste ano.
Elena Candia tamén fixo referencia á xestión promovida pola Xunta de Galicia dirixida a acadar fondos europeos que permitan o impulso ás estacións intermodais. Neste contexto, atópase, cita a popular, unha partida de 75.000 euros que o Goberno galego destina á redacción dos estudos previos para o deseño da terminal de autobuses incluída dentro da estación intermodal de Lugo. Ademais, os Orzamentos da Xunta recollen compromisos plurianuais por importe de 3,5 millóns euros para executar as obras desta infraestrutura.
Implicación de todas as administracións
Elena Candia dixo que imos seguir traballando para que “o futuro do tren de Lugo estea encarrilado”, así, a popular engadiu que “o partido que presido dende Lugo pide a unidade, o esforzo e o traballo conxunto de todas as administracións implicadas no crecemento económico e no reequilibro territorial da provincia”.
Traballo permanente
A presidenta do Partido Popular da provincia de Lugo tamén precisou que “igual que hoxe nos unimos para facer unha demanda como colectivo social, o Partido Popular de Lugo ten trasladado as súas inquedanzas e a necesidade de seguir mellorando o servizo”. “Temos abertas todas as canles de comunicación coas administracións competentes para poder avanzar na ampliación das frecuencias, na mellora do servizo e na consecuencia do AVE Lugo-Madrid”.
Polo tanto, Candia remarcou que “o noso compromiso como cidadáns acréditase coa nosa presenza hoxe neste foro, cos demais representantes de todos os veciños e veciñas, aos que me poño á súa disposición, e ademais o noso compromiso político vese refrendado en cada un dos nosos concellos, no Boletín Oficial do Estado e no Diario Oficial de Galicia”. “E así seguirá sendo de maneira continua e imparable”, conclúe.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
