Lourenzá, 23 de decembro de 2016. A Asociación de Comerciantes, Industriais e Autónomos de Lourenzá (ACIAL) organiza na noite do día 31 de decembro ao 1 de xaneiro, a partir da unha da madrugada, unha festa de fin de ano que terá lugar no recinto feiral e coa que colabora o Concello. A ACIAL engalanará para a ocasión as naves do mercado recreando como era antiga discoteca El Recreo.
O presidente da ACIAL, Javier Huertas, explicou este venres que para a noite de fin de ano “aínda que realmente será o día 1, porque vai ser despois das doce da noite, concretamente a partir da unha da madrugada, vaise abrir o recinto feiral para facer unha festa. Ás dúas da mañá imos dar as badaladas, como fan nas Illas Azores, que é unha das zonas nas que son a esa hora. Imos dalas unha muller, que será unha sorpresa, e máis eu. Tamén vai haber un DJ con música e a partir das cinco da mañá, chocolate con churros”.
O presidente de ACIAL salienta que “imos recrear no recinto feiral o que era a antiga discoteca El Recreo. Para alí levamos as butacas e as mesas que había no Recreo, e vanse poñer como zonas vip onde a xente poida estar sentada cos seus amigos e tamén haberá mesas máis altas para que a xente máis maior poida estar sentada comodamente. Ademais climatizarase o recinto con canóns de calor e estufas e estará engalanado con adornos de Nadal”.
Javier Huertas engadiu que “a barra corre a cargo da asociación de comerciantes e imos poñer un camareiro para poder gozar tamén nós da noite. A entrada vai ser moi módica, a 5 euros. Vanse dar as uvas para comer coas badaladas, o que imos facer nunha especie de palco e por detrás reproducirase un reloxo co son, imitando ao que se fai na televisión”.
O presidente do colectivo empresarial destacou que “colabora con nós na organización desta festa o Concello de Lourenzá”.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
