O BNG inaugura novo local en Viveiro

A Mariña, 10 de decembro de 2016. O Bloque Nacionalista Galego vén de abrir a súa nova sede en Viveiro, nun entrechán situado na Avenida de Ferrol.

Ao acto de inauguración asistiu a Deputada no Parlamento de Galiza, Olalla Rodil que agradeceu á militancia “o traballo feito no día a día para afortalar o proxecto nacionalista do BNG, tan necesario para este País.”

En nome da xestora local, Gloria Rouco afirmou que a nova sede “non pretende máis ca ser un punto de encontro para que veciñas, veciños e entidades de Viveiro teñan como referencia. Este local está a disposición da xente para trasladar o que consideren e para seguir traballando, como sempre fixo o BNG, en favor de Viveiro e do País”, afirmou.

“A inauguración deste novo local é o símbolo da apertura dun tempo novo para o BNG, no que xuntaremos esforzos para ensanchar a base social nacionalista e ser altofalantes das veciñas e veciños, aportando propostas e solucións para as demandas das e dos viveirenses”, sinalaron.