Foz, 6 de decembro de 2016. O borrador do orzamento do Concello de Foz para o vindeiro ano 2017 foi presentado nunha reunión da xunta de portavoces celebrada onte, luns. O alcalde, Javier Jorge Castiñeira, destaca que “ofrece baixa de impostos, contas realistas e os investimentos que decidan os grupos da oposición”.
Nesta primeira xuntanza para abordar o orzamento municipal de 2017 participaron Javier Castiñeira, en representación do goberno municipal do PP; o portavoz do PSOE, José María Linares; o de FPF, Luis Alfonso Sixto; e a concelleira do BNG Teresa Rego.
O rexedor municipal focense presentou o primeiro borrador do orzamento “para que sexa avaliado polo resto dos grupos e polo servizo de Intervención, que valorará tecnicamente a proposta. O máis salientable é a baixada de ingresos que produce a redución da contribución no 2017 nuns 250.000 euros, o que deixa o apartado de ingresos en cerca de 7.200.000 euros. Respecto aos gastos a liña xeral é corrixir as partidas de gasto fixo e gasto corrente á alza axustándoas á realidade, posto que en épocas de intensa crise rebaixáronse drasticamente e non cubrían as necesidades reais. Un caso claro é o Plan Verán, que propón o goberno municipal para orzamento de 2017, que non implica máis actividade senón que a que hai sexa recollida nos orzamentos e evitar que moitas das facturas ocasionadas por melloras en servizos e festas na época estival queden fora de contabilidade. Este Plan Verán dota con 350.000 euros máis as partidas concretas e cobre un gasto necesario e xusto no incremento de servizos de limpeza, socorrismo, recollida de residuos, roza e xardinaría e obras de mellora do pobo nos tres meses intensos de verán. Deses 350.000 euros, 75.000 prevense cubrir cun plan de emprego que segue conservando unha partida de 140.000 euros, coma neste ano 2016.
Un exemplo claro deste déficit é que no orzamento deste ano 2016 existía unha partida de 73.000 euros para festas cando a realidade se vai ao dobre, 135.000 euros ou máis, como se explica no documento presentado polo goberno municipal especificando o custo municipal de cada evento para demostrar a realidade e con elo evitar dúbidas”.
Castiñeira engade que “ademais do Plan Verán, como novidades salientables, contémplase dotar unha partida duns 100.000 euros para iniciar a actividade da residencia de maiores, uns 10.000 euros para becas de transporte de universitarios e 12.000 euros para unha partida destinada á primeira comida homenaxe aos xubilados focenses, posto que Foz é dos poucos concellos que non a celebra”.
Ademais o alcalde destaca que “no que respecta ao capitulo 6 de investimento, o goberno municipal cede a totalidade dos case 200.000 euros que se poden prever para que os grupos da oposición decidan en que obras os queren investir”.
Para rematar o rexedor municipal explica que na proposta de orzamento do Concello de Foz para 2017 contémplase “baixada de impostos, máis rigor e realismo e programación nas contas, menos facturas fóra de contabilidade, aposta pola apertura do xeriátrico, becas de transporte, recoñecemento aos xubilados e investimentos no que decida a oposición.
Os portavoces recibiron o borrador, entendemos que con bo ánimo de aportar o seu gran de area, e quedaron citados para o mércores, día 14, para ir completando a documento coas súas propostas”.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
