Ribadeo, 14 de decembro de 2016. O vindeiro luns, 19 de decembro, ábrese o prazo de inscrición para participar no programa Corpo de Muller, do Concello ribadense.
Desde a Concellaría de Igualdade subliñan que “Corpo de Muller é un programa posto en marcha o pasado mes de setembro pola Concellaría de Igualdade, e que se desenvolveu con grande éxito durante este trimestre de 2016. Está dirixido a aquelas mulleres que desexen mellorar a súa utilización corporal cun método de fisioterapia suave, progresivo e activo, a Reeducación postural global”.
Segundo explican desde a Concellaría de Igualdade “este programa conta cunha oferta dirixida a mulleres en varias situacións e ciclos da súa vida”.
Hai catro talleres previstos:
-Taller de reeducación da columna: Unha postura incorrecta fixa ou recorrente supón un gasto enerxético no sistema corporal, para evitar ese desequilibrio outras partes do corpo deben realizar un sobre esforzo, dando lugar a longo prazo ao malestar, cansancio, estrés e accidentes casuais.
-Taller de activación do perineo: É unha liña de traballo que implica o periné nas accións de todo o corpo. Preséntase como unha sesión de ximnasia colectiva, con esta diferenza que todos os movementos son selectos e postos xuntos cun obxectivo constante: introducir varias formas de solicitación do periné.
-Taller de embarazo e movemento: Os cambios no embarazo van máis alá dun aumento do diámetro da barriga: columna, cadeiras, órganos, articulacións e músculos iranse adaptando para albergar o bebé. O movemento adaptado ao embarazo e a cada embarazada en particular ten moitos beneficios.
-Taller de postparto e masaxe Shantala, onde poden acudir se o desexan coas súas crianzas: atenderanse os principais cambios fisiolóxicos que notan as nais durante o postparto, principalmente no solo pélvico (que foi estirado, distendido e pode tamén que esgazado) e na musculatura abdominal que queda distendida e lánguida (acentuándose as alteracións posturais e as dores a nivel lumbar).
O prazo de inscrición estará aberto do 19 ao 23 de decembro. Os talleres desenvolveranse do 9 de xaneiro ao 6 de abril varios días á semana e en varios horario.
Desde a Concellaría de Igualdade sinalan que “se establece unha única cota a modo de matrícula para as alumnas. O prezo público para poder asistir aos diferentes Talleres será o mesmo variando en función do número de horas ás que se anote a interesada (1 hora a semana, 30 euros; dúas horas 50 euros e tres horas á semana 70 euros)”.
As interesadas en acudir a este programa poden obter máis información no Centro de Información ás Mulleres, no teléfono 982 120 739 ou no e-mail cim@ribadeo.org.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
