Lugo, 30 de novembro de 2016.- Un total de 50 traballadores desempregados foron contratados nas últimas semanas na comarca da Mariña mediante o programa Aprol Rural posto en marcha pola Consellería de Economía, Emprego e Industria. En conxunto, A Xunta de Galicia destinou á comarca preto de 300.000 euros (299.0009 euros) para a realización destes contratos, que son a tempo completo.
O delegado territorial, José Manuel Balseiro, deu este mércores a coñecer os datos desta iniciativa, orientada aos concellos de poboación inferior a 10.000 habitantes. No conxunto da provincia adheríronse finalmente 48 concellos que contrataron a 179 traballadores. A Xunta “concedeu axudas a todos os concellos que a pediron e por todos os traballadores solicitados”, segundo afirmou o delegado.
O delegado explicou que a adxudicación realizouse garantindo un mínimo de dous contratos a cada concello solicitante, adxudicándose o resto en proporción inversa á poboación ata un máximo de 5 traballadores.
O obxectivo fundamental deste programa, sinalou Balseiro, “é mellorar a empregabilidade dos traballadores desempregados a través da adquisición de experiencia profesional nas zonas de menor poboación e con menos oportunidades laborais, co fin último de fixar poboación no medio rural”.
A contía da axuda que perciben os concellos equivale ao 80% dos custos salariais totais, incluída a cotización á Seguridade Social, segundo o convenio colectivo vixente.
Balseiro destacou que este programa, “ademais de ser unha ferramenta para o emprego, é tamén unha axuda ás facendas locais, que poden deste xeito incrementar o seu cadro de persoal para desenvolver obras ou servizos de interese xeral e social”.
Así, os concellos beneficiarios no global da provincia contrataron, entre outro persoal, 30 peóns para as brigadas de obras, 14 peóns forestais para a conservación de espazos naturais; 19 albaneis e peóns de albanelaría, 8 auxiliares administrativos, 7 xardineiros, 6 condutores, e conserxes, electricistas, limpadores, mecánicos ou arquitectos, ata sumar máis dunha trintena de categorías profesionais.
Cabe subliñar que o perfil profesional dos contratos era totalmente libre, á opción dos concellos en virtude das súas necesidades. Neste sentido, o delegado afirmou que “a Xunta asume que deben ser os concellos os que xestionen as axudas á súa medida e contraten ao persoal que estimen preciso, para adecuar o investimento ás necesidades concretas de cada territorio e á realidade do mercado de traballo local”.
O programa Aprol Rural, asegurou o delegado, “intenta ser un primeiro paso para que as persoas desempregadas adquiran experiencia profesional cara á integración no mercado de traballo; a Consellería de Economía realiza ao longo do ano diversas convocatorias de axudas tanto para mellorar a formación das persoas desempregadas como para impulsar a creación de postos de traballo”.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
