-O vello mundo morrerá e o novo alumbrará
-¿E mentres tanto?
– …
Unha loita agónica, un proceso de enconada resistencia, a espada apunta e a parede bota o alento na caluga… Algo así está a suceder co modelo bancario español que, cal enfermo crónico, agoniza postrado no seu leito de morte, coas constantes cada vez máis febles pero porfiando coller o ineludible camiño de non retorno.
Din os médicos que o corpo humano é un conxunto de vasos comunicantes, un amalgama de órganos no que a disfunción dun deles pode provocar un colapso, un fallo multi-orgánico, o que en termos económicos se denomina default ou corralito.
E é que a metáfora da saúde ven traída ó caso para explicar que esta mesma semana o exgobernador do Banco de España, Miguel Ángel Fernández Ordoñez, fora citado a declararar como investigado pola sala terceira da Audiencia Nacional en relación co caso Bankia.
¿Que pasou con Bankia? Grosso modo, despois de fusionarse as caixas de aforros Caja Madrid e Bancaja o día 28 de xuño de 2011, a Xunta Xeral de Accionistas e o Consello de Administración acordaron a saída a bolsa de Bankia, supervisada polo Banco de España e a Comisión Nacional do Mercado de Valores e coa auditoría de Deloitte.
A que se promocionaba no proceso de venda de accións como a entidade financeira máis solvente do sistema bancario español pasou, en menos dun ano a ser rescatada polo FROB, coa conseguinte dimisión do gurú económico Rodrigo Rato.
Os apelidos Rato ou Blesa pasaron a ser habituais figurantes de telexornais en almorzos, xantares e cenas das familias do país; os que foran estandartes dun modelo económico pasaron a selo do escarnio público e de interminables procesos xudiciais.
Agora, no que algúns xornalistas calificaron como populismo xudicial, foron imputados no caso Bankia o exgobernador do Banco de España e o expresidente da Comisión Nacional do Mercado de Valores.
E a cuestión non é baladí, pois o que está a poñer en entredito o poder xudicial é, nin máis nin menos, que a honestidade dos organismos públicos de control, a independencia do estado fronte ó sector bancario. E non pinta demasiado ben, pode que a forza de ir saneando nos estemos a dar conta de que todo está podre.
Froito dese proceso de descomposición atopámonos co Ministerio de Economía que veta tamén esta semana, novamente en base a criterios macroeconómicos, a lei impulsada polo Parlamento de Galicia por medio da que se acordaba a devolución íntegra ós afectados polas participacións preferentes.
E voltamos novamente á disquisición do populismo con respecto a Fernández Ordoñez, ¿é populista investigar a responsabilidade da autoridade pública bancaria no proceso de quebra e rescate de Bankia? Penso que é xusto e necesario, e que o único que salvaremos da queima nun mundo futuro será a independencia do poder xudicial.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
