Ribadeo, 4 de febreiro de 2017. O presidente da Asociación de Profesores de Automoción de Galicia (Apaga), Álvaro Doural, fai unha valoración positiva da visita cursada á Mariña e ao Occidente asturiano por Jean Pacheco, produtor de agricultura ecolóxica en Francia, que compartiu onte e hoxe a súa experiencia en Tapia, Ribadeo, Mondoñedo e Lourenzá. A actividade enmarcouse dentro do proceso de internacionalización de Apaga e como apoio ao sector primario. Apaga contou coa colaboración dos Concellos de Ribadeo, Mondoñedo e Lourenzá.
Jean Pacheco contoulles aos asistentes ás charlas “cómo están montados os seus invernadoiros de 5.000 metros cadrados, onde cultiva máis de 70 variedades de froitas e legumes que vende sobre todo en curtocircuítos en asociacións para a preservación da agricultura campesiña (AMAP) da rede de Île-de-France. Eses invernadoiros son instalacións con dobre capa e unha cámara de aire, que os produtores desta zona ven moi difícil realizar debido aos custes que supoñen”, explicou Álvaro Doural.
O presidente de Apaga contou que “Pacheco relatoulles aos asistentes que non ara as fincas para cultivar os seus produtos, nin remove despois a terra, o que fai son pequenas incisións na terra cunha máquina e despois empregando gas queima o terreo ata uns 15 centímetros de profundidade para eliminar os bichos, as malas herbas, as pragas, etc. Nas charlas tamén se falou de cuestións legais e curiosas para esta zona como que os consumidores de París, cos que ten contrato para a venta de cestas dos seus produtos, teñen que colaborar nos traballos das súas fincas polo menos dez días ao ano. Falou dos operarios cos que conta, dos 20 euros que lles paga por hora de traballo, que contrastan cos 6 ou 8 euros desta zona, entre outras moitas cousas, dos seguros, do pago anticipado das cestas que lle encargan e que el mesmo reparte entre os seus consumidores, etc”.
A visita de Jean Pacheco deu comezo onte, venres, na Fundación Edes, en Tapia de Casariego. Alí mantivo unha xuntanza con produtores de Tapia, de Boal e de Xixón, cos alumnos do centro e cos mestres. Despois en Ribadeo na Casa das Letras ademais de produtores locais acudiron a escoitar a Jean Pacheco consumidores de agricultura ecolóxica. Esta mañá en Mondoñedo este produtor francés reuniuse con produtores locais de horta e agora ás 20:00 horas a xornada concluirá en Lourenzá onde ofrecerá unha conferencia na cooperativa Terras da Mariña na que falará da súa experiencia en agricultura ecolóxica. Nesa visita Jean Pacheco reunirase con produtores de Lourenzá, Trabada e Barreiros.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
