Cervo 4-2-17. A Asociación de Xubilados Terramar vén de celebrar a súa asemblea anual á que asistiron máis de 100 socios.
Foi un acto aberto a todo tipo de suxerencias no que se aprobou o nombramento de José Luis Sariego como presidente, en substitución de Francisco Alves, que seguirá a formar parte da directiva, que se reforza coas incorporacións de Lis Peña e Isabel Quelle, ámbalas dúas integrantes da coral Terramar, e socias da organización.
Dende a asociación queren agradecer o gran labor desempeñado nos últimos anos polo anterior presidente e agradecerlle a súa dedicación; os 150 socios recoñecen o seu traballo impecable ao fronte de Terramar.
Na asemblea, que rematou cunha chocolatada para tódolos asistentes, tamén se trataron múltiples asuntos de interese, como a realización de diversas actividades, entre as que destaca a asistencia á Feira do viño de Sober, o domingo de cinza. Tamén pretenden organizar cursos de manualidades con papel, obradoiros de adornos frorais e charlas médicas e alimenticias ao longo de todo o ano.
Dende a asociación recordan que enviarán nos vindeiros días unha carta a tódolos socios, dando a coñecer a programación de actividades e os cambios na directiva.
A asociación de Xubilados Terramar ten a sede na casa do mar, aberta tódolos días. Alí contan con sala de televisión e lectura e organizan campionatos de tute e parchís, entre outras actividades.
Tamén queren agradecer a colaboración de Alcoa, e especialmente do Concello de Cervo, porque afirman que sin a súa axuda a asociación sería case un imposible; disponen de instalacións municipais para a súa actividade, e grazas ao ascensor que se instalou recentemente, contan cun local accesible para tódolos socios.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
