Cervo, 03 de febreiro de 2017.- O alcalde de Cervo, Alfonso Villares, recórdalle ao Partido Socialista que a baixada do 2% do seu salario que se aprobou no último pleno ordinario, é a terceira redución voluntaria que fai dende que chegou ao Concello. De feito, o rexedor de Cervo cobra hoxe 3000 euros menos que no ano 2007, cando chegou á alcaldía; en case 10 anos o seu salario pasou de 42.000 euros brutos a 39.000.
Ademais, no ano 2000, cando gobernaba este Concello José Insua, Villares recorda que “renunciei a unha dedicación parcial como edil de 120.000 pesetas, daquela; son datos económicos que están ahí, que non era a miña intención acentuar, pero, tendo en conta a amnesia que aparentan algúns da oposición, fago eu para eles ese exercicio de memoria”.
Nesta liña, Villares quixo subliñar, que “o máis importante para min nestes momentos é ser o alcalde dos meus veciños, e brindarlles todo o meu tempo e dedicación, seguir a traballar cunha entrega absoluta, por e para eles”. Neste senso, e reestruturación que aprobamos no último pleno –engadiu- “responde única e exclusivamente a iso, a mellorar a calidade dos servizos que prestamos aos cervenses”.
Ademais, con respecto á incorporación dun traballador eventual en materia de información e comunicación no eido local, que “nós consideramos primordial”, Villares afealle ao PSOE “que igual pensa o ladrón que todos son da súa condición, como di o dito; igual pensan que todos somos iguais, e non. A utilización partidista desta persoa é un argumento absurdo e pobre, porque a oposición sabe que se trata dunha persoa totalmente aséptica, profesional, que prestará un servizo fundamental neste Concello”.
Nos tempos que corren recordámoslle ao PSOE, como tamén lle dixemos no pleno, “que vemos como unha necesidade contar cun profesional con esta cualificación e que desempeñe esta función, para dotar de maior transparencia, proxección e visibilidade ao municipio en tódalas facetas”. A veciñanza, recibirá, deste xeito, regularmente información do seu interese, ao verse reforzada tamén a presenza de Cervo nas redes sociais.
Por outra banda, “tamén vemos que o PSOE valora de xeito negativo que se incremente o peso e a axenda das delegacións de Educación, Cultura e Xuventude e nós, pola contra, entendemos que son o motor dinamizador do noso Concello e creemos que debemos incrementar e mellorar no posible os servizos que se prestan neste eido aos veciños. Parece que o PSOE non o ve asi” sentencia Villares.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
