Burela, 20 de abril de 2017. A Concellería de Cultura programa durante este fin de semana dous espectáculos musicais para nen@s. O sábado, día 22, o grupo Os tres tenedores presenta Petiscos Musicais, e o domingo estará Pablo Díaz coa súa banda no concerto Tic tac toc. Ambas actuacións terán lugar na Casa da Cultura ás 18:00 horas.
A programación comeza o sábado, 22 de abril, con Os tres tenedores que presentan Petiscos musicais, unha mostra de diversos tipos de instrumentos, construción con materiais de refugallo, estilos musicais, ritmos diversos e fermosas cancións. A actividade enmárcase na campaña de animación á lectura da Biblioteca de Burela e para conmemorar o Día do Libro que ten lugar o domingo. Inclúese ademais no programa Ler conta moito para a dinamización da lectura nas bibliotecas integradas na rede, que leva a cabo a Consellería de Cultura, Educación e Ordenación Universitaria a través da Secretaría Xeral de Cultura da Xunta.
A programación da Consellería de Cultura de Burela complétase esta fin de semana co concerto que ofrecerá o domingo, día 23, Pablo Díaz e a súa banda, e titulado Tic tac toc. Especialmente pensado para o público familiar con cativada de 0 a 12 anos, ten como finalidade a aprendizaxe de cancións infantís cuxa temática ten que ver co mundo dos máis pequenos, e algún temas tratan de reflectir e crear recursos para as familias e educadores con temas lúdicos.
Estes concertos son case os primeiros de pop-rock-folk para a xente miúda que poderá cantar os temas máis divertidos do último traballo Tic tac toc, e o grupo tamén fará un pequeno repaso dos temas máis emblemáticos dos traballos anteriores.
O creador do traballo, Pablo Díaz, rodéase nesta ocasión dos coñecidos músicos Diego Barral á guitarra, e Alex Fente ao acordeón. A actividade inclúese no programa de dinamización lingüística FalaRedes.
O concelleiro de Cultura en Burela, José Díaz, anima a “asistir a estos espectáculos muy divertidos, y muy apropiados para un público familiar que acompañe a los más pequenos. Además ambas actuaciones son totalmente gratuítas”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
