A Mariña 22-4-17. O observatorio da Mariña pola Igualdade participa na nova edición do Mes das Artes Plásticas da Mariña.
No marco das diversas actividades programadas durante o Mes das Artes Plásticas da Mariña, o próximo venres día 28 de abril, ás 20h terá lugar a charla “Arte+Muller na Galicia contemporánea” organizada polo Observatorio da Mariña pola Igualdade, contribuíndo así á visibilidade e achegamento á cidadanía do traballo das artistas mulleres.
Será impartida por Rosario Sarmiento Escalona, investigadora, especializada neste tema dende hai moitos anos , foi comisaria das mostras “A arte inexistente” e “Mulleres do silencio” no MARCO, Museo Arte Contemporánea de Vigo. Licenciada en Xeografía e Hª, cunha ampla traxectoria profesional na programación e xestión de proxectos culturais, participación en xurados, cursos, seminarios; colaboracións en prensa, publicacións e crítica de arte.
Ademais é membro colaboradora de:
Comité científico de Eau&Lumiere.
MAV, mujeres en las artes visuales.
IAC Instituto de Arte Contemporáneo.
AGC Asociación Galega da Crítica.
Recentemente do Instituto José Cornide de Estudos Coruñeses.
A partir da información propomos o debate e reflexión posterior sobre os aspectos abordados na conferencia.
Unha das causas polas que a presenza das mulleres artistas parece inexistente é que foron practicamente ignoradas polos estudos da historia da arte, e é que moitas das súas obras se atribuíron a varóns coetáneos ou figuran no apartado de anónimos.
O principal obxectivo que persegue o Observatorio da Mariña pola Igualdade con esta iniciativa é darlle a coñecer á cidadanía, as realidades de mulleres artistas ao longo do tempo até o noso momento actual. Deste xeito, pretendemos destacar, por un lado, que a discriminación de xénero foi e é unha realidade que afecta as mulleres, en cada ámbito, tamén na creación artística, sexa desde o que foi o acceso a formación como a súa visibilidade, aínda que adquire unhas materialización diferentes en función das continxencias que definen cada sociedade e cultura. Preténdese contribuír a pór en valor as achegas das mulleres aos distintos eidos da creación, destacando neste caso o traballo das mulleres nas artes plásticas.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
