Ribadeo 24-4-17. Esta mesma semana, o xoves 27 ás 20.30 h na Casa das Letras, Ramón Lourenzo falará da súa obra Nunca paraíso. Teatro Breve (1973 – 2015) e terá lugar unha pequena lectura pública dunha escena escollida polo director do GTR, Toni Deaño.
Aínda sen data definitiva, presentarase tamén o libro de Farruco Graña, Badaladas de Anllóns
Xa no mes de maio, no Día das Letras Galegas, o Teatro de Ribadeo acolle a actuación do grupo PIRILAMPO, unha formación de nove membros que ofrecen un espectáculo de música para público infantil.
A Agrupación enceta así un novo ámbito de propostas, o dirixido aos nenos e nenas e vinculado ao proxecto APEGO, que busca potenciar e mellorar a transmisión do galego á novas xeracións.
Por outra banda, a reunión do club de lectura terá como protagonista o escritor homenaxeado este ano no Día das Letras Galegas. A Agrupación rescata un clásico de Casares, Xoguetes para un tempo prohibido. Convídase a todas as persoas interesadas en ler ou reler esta obra, a comentala na reunión que terá lugar o día 25 ás 20.30 tamén como vén sendo habitual na Casa das Letras.
Non podemos esquecer que todos os primeiros sábados de mes se organiza unha andaina guiada por Teresa Díaz. Precisamente a do mes de xuño será especial posto que se percorrerá a zona de Rinlo e, ao remate, tomando un café, terá lugar a presentación do libro do escritor e percebeiro Suso Lista, Charamuscas.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
