Moción para a recuperación da escalinata tradicional de acceso á Igrexia de San Francisco dos concelleiros non adscritos de Viveiro

En Viveiro, 08 de abril de 2017.

O conxunto arquitectónico da Igrexia e Convento de San Francisco de Viveiro está declarado pola Xunta de Galicia como Monumento histório-artístico conforme ao Decreto 2507/1975.

A escalinata de acceso á Igrexa de San Francisco, presentaba o seguinte aspecto, a principios do século XX: Na actualidade a escalinata presenta o seguinte aspecto: A día de hoxe a escalinata presenta unha barandilla de acceso realizada en pedra dunhas dimensións considerables, que se construiu nos anos noventa coa finalidade de protexer o acceso da constante circulación de vehículos pola Avenida de Cervantes.

Na actualidade, a reforma da Avenida de Cervantes, a súa conversión en rúa semipeonil, coa velocidade limitada e a circulación de vehículos nun único sentido, permite a recuperación da escalinata de acceso tradicional, eliminando unha barreira visual e arquitectónica que non realiza ningunha función.

A accesibilidade ao monumento histórico-artístico está absolutamente garantida pola parte posterior do mesmo, como se ven realizando na actualidade, e entendemos que con esta actuación se melloraría e protexería o entorno e accesos ao monumento.

É por isto, que propoñemos ao Pleno da Corporación Municipal a adopción do
seguinte ACORDO:

1. Realización por parte dos técnicos do Concello de Viveiro, un proxecto de recuperación da escalinata tradicional de acceso á Igrexa de San Francisco de Viveiro.
2. Solicitar á Dirección Xeral de Patrimonio da Xunta de Galicia a
autorización para a execución das obras .
3. Prever nos orzamentos do ano 2017 unha partida económica, a definir no
correspondente proxecto, para a realización das obras.

Bernardo Fraga Galdo Manuel Galdo Dopico Saray Blanco Canoura