Alfoz 5-4-17. A pasada fin de semana, o grupo de veciños e veciñas de Alfoz promotores da agrupación de electores Veciños Independentes de Alfoz, celebrou o segundo aniversario da acta de constitución da agrupación, asinada o 2 de Abril de 2015, para poder presentarse ás eleccións municipais no concello de Alfoz.
Ademais de compartir unha comida de confraternidade, a agrupación independente, coa intención de establecer unha axenda de traballo para o ano en curso, celebrou unha reunión na que se trataron diferentes temas, entre eles, aqueles relacionados coa propia organización da agrupación, pensando nas eleccións municipais a celebrar dentro de dous anos, así como o nivel de execución do programa de goberno e a redistribución de responsabilidades para optimizar a xestión do colectivo.
Unha das propostas acordadas consistiu en fixar un calendario de reunións de forma que a agrupación se reunirá mensualmente os segundos luns de cada mes, sendo polo tanto a seguinte o próximo luns día 10 de abril. Entre os temas a tratar nas vindeiras reunións estarán as propostas do colectivo para os orzamentos municipais do exercicio 2017, que se pretenden aprobar en próximas datas, así como os informes dos membros do Grupo Municipal de VIA no Concello.
A nivel orgánico decidiuse estudar o proxecto de creación dun partido político independente de cara ás eleccións de 2019, un obxectivo que “non cambia o ideario da agrupación se non que simplemente lle pretende dar forma orgánica” como apunta Xabier Pardiñas, portavoz da agrupación, indicando que “desde o mesmo momento de asinar o pacto de goberno, VIA sempre intentou tomar decisións que non comprometeran o seu percorrido político a longo prazo”, por iso desde a agrupación pensan que é o momento de tomar a decisión da continuidade de VIA, considerando que, posto que as agrupacións de electores se extinguen oficialmente no momento de celebrar as eleccións, a formación dun partido permitirá garantir o seu futuro.
A agrupación de Veciños Independentes de Alfoz quere mostrar o seu agradecemento polo apoio mostrado polos veciños e veciñas de Alfoz nos dous últimos anos, recordando que están á súa disposición a través de calquera dos membros do grupo municipal e nos correos vialfoz@gmail.com e grupovia@concellodealfoz.com
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
