Lugo, 6 de abril de 2017. O Presidente, Darío Campos Conde, e o Alcalde de Burela, Alfredo Llano García, supervisaron este xoves actuacións financiadas polo Goberno da Deputación neste municipio. Campos Conde explicou que “foron 800.000 euros os fondos públicos que o Executivo Provincial achegou aos veciños deste Concello mariñá coa execución do Orzamento de 2016 co obxectivo de mellorar a súa calidade de vida dende unha Deputación coas persoas, social e rural”. Para elo, o Goberno da Deputación financiou con este orzamento melloras nas dotacións públicas municipais, servizos sociais, novos postos de traballo e actividades en impulso da actividade económica e social.
Con respecto ás melloras nas dotacións públicas municipais, foron máis de 430.000 euros os achegados, para os seguintes traballos, todos contratados (uns finalizados, outros en execución e os restantes a piques de iniciáranse):
– 150.000 euros para o acondicionamento do firme das rúas Arcadio Pardiñas, Nosa Señora do Carme e Camiño Real con aglomerado en quente.
– 40.000 euros para a mellora das beirarrúas do casco urbano, adaptándoas á normativa europea.
– case 50.000 euros para ordenar o tráfico, e tamén mellorar a sinalización, das rúas Nosa Señora do Carme, Rosalía de Castro, Pardo Bazán, Castelao, Concepción Arenal, Leandro Cucurni, Río Xunco, José María González Río, Avenida da Mariña, Avenida do Cabaliño, Beiramar, Da Pedra, Cova Moura e Lamestra.
– 28.500 euros para incrementar a sinalización viaria en todo centro da vila.
O conxunto deste traballos, de 268.5000 euros, suporán a mellora integral e transformación do centro urbano de Burela. Campos e Llano visitaron hoxe a zona.
– case 16.000 euros para a mellora do alumeado público nas rúas A Veiga, Rúa Mondoñedo e Praza da Mariña, que suporán o aforro de custos enerxético ao Concello.
– 12.000 euros para o acondicionamento e equipamento dos parques infantís da localidade: Rosalía de Castro, Monte Castelo, Hospital, Suafonte e Tíjola.
– 35.000 euros para o arranxo do Barco Museo, unha infraestrutura singular e única, que se converteu nun atractivo turístico en Burela, pois amosa os diferentes modelos de captura de pesca.
– 100.000 euros para a dotación de vestiarios no campo de fútbol da Marosa. Estas foron outras das actuacións que supervisaron hoxe o Presidente e o Alcalde, pois están a piques de finalizar. Na visita ao campo de fútbol, tamén participaron membros da Sociedade Deportiva de Burela, pois adestra nestas instalacións e quixeron agradecer este investimento ao Presidente.
Dinamización económica
Estas actuacións de 430.000 euros contribúen á dinamizar a economía local de Burela, ao igual que as seguintes de 74.000 euros, superando os 500.000 euros neste eido:
– case 30.000 euros para a xeración de 6 novos postos de traballo a través do DEPUEMPREGO. Son 2 conserxes, 2 albaneis e 2 xardineiros, que contribuirán á prestación de servizos municipais, que se incorporarán nas vindeiras semanas unha vez resoltos os procesos de selección pública e abertos a todos os cidadáns.
– 32.000 euros para contribuír á celebración da Feira do Bonito, Feira do Libro, Liga Galega de Traíñas e o Festival Osa do Mar, citas que reúne a centos de persoas de distintos puntos da xeografía galega en Burela.
– 12.000 euros para a mellora de embarcación de pesca de baixura. Son axudas, resoltas nun proceso de concorrencia competitiva de case 100.000 euros, para que os profesionais deste sector melloren e doten de equipamento as embarcacións.
Benestar
O Goberno da Deputación achegou a Burela máis de 91.000 euros para o impulso do benestar. Con case 17.000 euros desta cantidade, o Goberno da Deputación financia na súa totalidade o Servizo a Domicilio a 54 maiores que non reciben axuda algunha por parte da Xunta ao non estar catalogados como dependentes. Outros dos importantes investimentos no eido social, son os 40.000 euros que achegou o Executivo Provincial para acondicionar integramente as instalacións da Asociación de Axuda ao Enfermo Mental da Mariña, situadas en Burela. A maiores, outros 34.500 euros son para outras actividades sociais, educativas ou culturais que favorecer o envellecemento activo e fomentan o intercambio cultural e xeracional. Hai que ter en conta que os veciños de Burela son de 40 nacionalidades e que, pola a súa media de idade, é o Concello máis novo da provincia.
Dinamización Social
Para a dinamización social de Burela e contribuíndo á actividade que desempeñan os colectivos de toda índole deste Concello, o Goberno da Deputación achegou outros 210.000 euros, pois nesta partida inclúense as axudas a colectivos culturais e deportivos para o desempeño da súa actividade, como, por exemplo, o Club Deportivo Burela, que é o único club de España con equipo masculino e feminino en 1ª División de Fútbol Sala.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
