Viveiro (Lugo), 2 de maio de 2017.- O director xeral de Orientación e Promoción Laboral, Alfonso Marnotes, salientou hoxe en Celeiro (Viveiro) que os obradoiros de emprego son un instrumento eficaz para a mellora da empregabilidade dos participantes, a través da formación de calidade, o acceso a un emprego cun contrato, e a realización de obras e servizos para a comunidade, ao tempo que fomentan a colaboración institucional.
Marnotes participou nun acto celebrado no salón de actos da delegación territorial da Xunta en Celeiro, no que se entregaron os diplomas a preto de 80 alumnos de 11 concellos da Mariña e zona norte de Lugo que se especializaron na mellora de montes, carpintería, xardinería, atención sociosanitaria ou documentación.
Na súa intervención o director xeral de Orientación e Promoción Laboral, que estivo acompañado polo delegado territorial da Xunta en Lugo, José Manuel Balseiro, salientou a importancia da cooperación entre a Xunta e os concellos para lograr o máximo proveito destas actividades formativas, apuntando que son as administracións locais as que mellor coñecen as demandas e necesidades dos cidadáns, as obras e servizos máis necesarios e as oportunidades de emprego de cada zona.
En concreto, no acto de hoxe estiveron presentes alumnos do obradoiro de emprego celebrado en Foz, no que tamén participaron Mondoñedo, Alfoz e O Valadouro, centrado en actividades auxiliares en conservación e mellora de montes; e no que tivo lugar en Barreiros en colaboración con Lourenzá e Trabada, que tivo por especialidades a instalación e mantemento de xardíns e zonas verdes e a instalación e elementos de carpintería. Tamén asistiron alumnos da iniciativa desenvolvida no Vicedo xunto con Muras e Ourol, sobre traballos de carpintería e moble e atención sociosanitaria a persoas dependentes en institucións sociais. E asistiron tamén participantes no obradoiro de emprego de Ribadeo, nas especialidades de arquivista e xestión documental e dixitalización documental e acceso ao documento.
En total, 1.600 galegos e galegas poderán participar este ano nos obradoiros de Emprego aos que a Consellería de Economía, Emprego e Industria destina 20,5 millóns de euros, preto dun 50% máis que en 2016. Este ano amplíase a duración, que pode ser de ata nove meses. Ademais, prímanse os proxectos con maior vinculación coa Industria 4.0 e os sectores estratéxicos, valórase a relación da iniciativa co tecido empresarial da zona onde teña lugar o obradoiro e as posibilidades de inserción, e terán preferencia as persoas e colectivos que máis o precisen.
Na súa intervención, o director xeral de Orientación e Promoción Laboral sinalou que os obradoiros de emprego contribúen a fixar poboación no rural, un dos retos prioritarios da Xunta, que ten en marcha un programa específico de formación e emprendemento no rural, con 30 millóns de euros para chegar a 13.000 persoas. Esta iniciativa inclúe 10 medidas entre as que destacan a posta en marcha de obradoiros que centrarán a súa actividade no rural. Marnotes apuntou así mesmo que outra das medidas que a Xunta ten en marcha para incentivar o emprego naqueles colectivos que máis o precisan son os incentivos á contratación de parados de longa duración.
Así mesmo, Marnotes fixo fincapé en que a Xunta vén de activar con 90 millóns de euros ata 2020 un novo programa pioneiro en Galicia que permitirá formar e impulsar a contratación laboral de 10.000 menores de 30 anos, un colectivo xa prioritario nas políticas activas de emprego do Goberno galego.
O tecido empresarial e os clusters encargaranse de identificar, como experiencia piloto, aos profesionais que requiren en Industria 4.0 e agroalimentación, para a continuación, nos centros de titularidade autonómica, a Xunta ofrecer formación á mocidade, dirixida especialmente á que non conte con experiencia laboral. Nunha segunda fase acreditaranse ás empresas que participen no programa e que deberán contratar por un mínimo dun ano, co apoio económico da Xunta, aos participantes no período formativo. A Administración autonómica achegará ademais 7.000 euros por participante para que accedan ao mercado laboral: 5.000 para a empresa para incentivar a contratación e 2.000 euros para que, a través dun bono formación, o contratado poida completar a súa etapa formativa dentro da propia compañía.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
