Ribadeo, 2 de maio de 2017. O Concello de Ribadeo acolle por vez primeira en residencia artística a obra escénica multidisciplinar Juana, onde poesía, danza e música se imbrican coa inspiración da poeta uruguaia Juana de Ibarbourou, Juana de América.
Filla de pai laurentino, esta escritora americana dá nome á biblioteca de Lourenzá e corresponde co lugar de nacemento da creadora e directora da obra, Marina Oural. Son os versos de Juana os que lle inspiraron a creación dunha performance onde integra textos propios, xunto a poemas da poeta uruguaia e un de Rosalía de Castro. Pon a voz e corpo a textos que brincan con música e danza composta para esta peza. Asumen así o risco varios artistas de diferentes ámbitos o reto de compor unha obra de arredor de 50 minutos onde a Improvisación Libre Multidisciplinar é a ferramenta base de traballo.
Por primeira vez todo, textos, dirección, equipa e obra é un claro paso de creación compartida desde o individual ao colectivo, diferentes xeracións no escenario e textos de mulleres de tres séculos diferentes con música e danza ao servizo da composición escénica e a docencia, o teatro, e en definitiva a aprendizaxe e universalidade da arte como vínculo de construción e vida.
O lugar elixido pola equipa para a residencia artística (remate de ensaios) é o Cine Teatro de Ribadeo e as datas serán os días 2, 3 e 4 de maio. Este espazo foi escollido tamén para a estrea o 10 de xuño ás 21 horas.
Desde a equipa da obra agradecen a colaboración do Concello de Ribadeo e o apoio á creación desta perfomance que desde setembro de 2016 comezou a xestarse, realizando ensaios en diferentes espazos colaboradores da península. Foron os seguintes:
– Galicia: A Escondida Café-Concerto-Espasante, RefuxioMOV-Lourenzá, Centro Dramático Galego (Santiago de Compostela), SGAE (Santiago de Compostela) /sept-2016-xaneiro 2107
– Andalucia: Espazo Silvestre -Véjer de la Frontera- Cádiz /febreiro 2017
– Madrid: SGAE e LA CASA ENCENDIDA /marzo 2107
– Cine-Teatro Ribadeo /Residencia artística 2, 3 e 4 de maio 2017
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
