Lourenzá, 14 de xuño de 2017. A alcaldesa de Lourenzá, Rocío López García, recolleu na Cidade da Cultura, en Santiago de Compostela, un premio porque este concello está entre os cinco municipios de Galicia que máis doazóns de sangue realizaron durante o pasado ano 2016.
A rexedora municipal explicou: “este recoñecemento que hoxe recibín en Santiago é unha satisfacción e un orgullo para min, como representante deste concello. Quero agradecer e facelo extensible a todos os laurentin@s porque grazas a eles Lourenza está entre os 5 concellos de Galicia que máis doazóns de sangue rexistraron no ano 2016. En total houbo 134 doazóns de sangue, o que supón unha taxa de 46/1.000 habitantes. É un privilexio acudir a un acto destas características, onde se premia unha gran labor social e humana como é este caso. Aproveito a ocasión para agradecer a colaboración de todos os cidadáns de Lourenzá e fago un chamamento para que sigan participando nas campañas de doazón organizadas pola Axencia Galega de Sangue, Órganos e Tecidos para que o vindeiro ano Lourenzá siga sendo o primeiro concello da provincia de Lugo en doazóns e estando entre os primeiros de Galicia. Por tanto esta labor non remata aquí, máis ben acaba de comezar porque agora o seguinte reto é aumentar cada ano un pouco máis as doazóns e axudar así a toda a xente que o necesita”.
No acto de hoxe recibiron as distincións diversas entidades que colaboraron na doazón de sangue en Galicia durante o ano 2016. O evento contou coa presenza do conselleiro de Sanidade, Jesús Vázquez Almuíña, e a directora da Axencia de Doazón de Órganos e Sangue (ADOS), Marisa López García.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
